大埔宏福苑于11月26日星期三发生五级火警，造成多人伤亡，当中有外佣命丧火场，且有多名外佣仍失联。网民留意到许多家庭最后保护到长者和小孩的，是留守家中的外佣姐姐，认为她们“好后生好醒目又年青力壮”，如自行疏散成功逃生机会更高，但仍选择陪伴长者小孩，“佢哋都系值得被尊重嘅一群”。不少人指外佣姐姐离乡别井工作，也希望他们平安渡过难关，“希望大家对工人姐姐好啲”。

网民指外佣独自逃生成功机会更大　“但佢哋选择留守陪住长者小孩”

大埔宏福苑发生五级火，有外佣由消防救出时仍抱住婴儿，网民留意到不少外佣姐姐在火灾中一直陪伴雇主的小孩和长者，有人甚至因此而不幸丧命。有女生在Threads发文，指其实许多外佣姐姐“好后生好醒目又年青力壮”，在火场中独自求生的成功机会很大，“但佢哋选择留守陪住老人家同小朋友，佢哋都系值得被尊重嘅一群”。

网民感动：明明唔系自己血亲都咁尽责

许多网民深表同意，“啲工人姐姐留低系因为惊冇人救啲老人家，听到都好感动，明明唔系自己血亲都咁尽责”、“工人姐姐都系坚持到最后，多谢佢哋嘅守护”、“其实如果佢哋自私啲可以自己一早逃生，但都无咁做，依然坚守老人家同小朋友身边直至最后一刻！非常令人敬佩”、“好心伤，打份工啫明明佢哋唔驶咁留低……”、“被忽略的一群为香港每个家庭尽心尽力的家佣，但愿她们一一平安渡过”、“离乡别井， 到最后一刻仲保护紧人地嘅阿爸阿妈小朋友…. Respect and rip”。

有雇主叮嘱可先自行逃走　外佣：我点会忍心

有网民在Threads发文表示“我同工人姐姐讲，如果有一日真系有意外，你无办法扶到公公逃走，你要自己走呀，知唔知？”，但工人姐姐却回答：“我点会忍心。”主仆间对话令网民感动不已，有人留言指“睇到个post，消防员到场发现工人姐姐死去嘅时候仲系抱住护住个Ｂ…佢哋离乡别井，系真系会当香港人系家人，希望可以好好安葬同埋支援佢哋家人”。楼主则回应“无谂过呢个po推到出公海，只系当我知有工人姐姐因为今次嘅灾难离开咗，我自己心谂，每一个生命都好宝贵，好想同姐姐讲你都系好重要嘅，btw祝愿所有人都平安，香港人加油”。

许多网民认同外佣姐姐是香港家庭的守护者，“好多香港父母2个都要返工，小朋友、工人姐姐、老人家相处最多，好多姐姐当小朋友同老人家系自己家人，好痛心，希望愈来愈多人可以平安获救”、“有几多人敢冒死相陪…请为工人姐姐，争取赔偿”，又提醒有组织正协助外佣。

雇主指对待外佣应“将心比心”

有网民分享，外佣照顾长者小朋友时“对照顾对象都好好”，“我阿嫲以前喺度𠮶阵都有工人姐姐照顾，佢对我阿嫲好好，我阿嫲喺𠮶种好黑人憎嘅老人家，但个工人姐姐都一直做到我阿嫲几年前病逝𠮶阵”。有雇主又认为如果女儿遇险，外佣姐姐也不会离她而走，“如果你哋对佢哋好系返个人唔好用尽，其实将心比心，佢哋会当我哋自己仔女或者屋企人，系佢哋屋企人或者仔女咁锡”。

大埔宏福苑大火・寻亲｜宏昌阁印佣失踪　胞妹淌泪走访领事馆医院