刘伟强与麦兆辉经典作品、寰亚电影《头文字D》20周年，4K修复杜比全景声版重返大银幕，前晚在MCL AIRSIDE举行首映party，寰亚传媒行政总裁林孝贤、导演刘伟强与太太和子女、导演麦兆辉与太太、电影配乐陈光荣与太太、伍允龙、蔡颖恩（Evelyn）、黄淑蔓（Feanna）、连家颖（Vian）、乐队Nowhere Boys主音Van、江博熙、杨煜谦（Nicolas）、“小薯茄”的程人富、童童、阿J和肥蚊等捧场，他们纷纷在“藤原豆腐店”和“AE86”布景前打卡，非常热闹。而AE86车迷驾驶爱车到戏院捧场，十几架整齐泊在停车场，十分壮观。

开映前，刘伟强与麦兆辉上台分享心情和当年拍摄惊险趣事，李澄（西瓜）担任主持。代表作之一重返大银幕，刘伟强好风骚，自我介绍“我系周杰伦”，又笑言这20年最大改变是与麦兆辉“交换”了身材，逗得麦兆辉哭笑不得：“喂呀，人哋问你当时辛唔辛苦呀？大家知道点解唔拍续集啦！”刘伟强说：“不和嘛！”全场爆笑。

麦兆辉表示好感动：“我真系好兴奋，望到呢个大银幕嘅海报，好似返咗秋明山。”刘伟强坦言因版权问题，无法开拍第二集，他说：“正如麦兆辉话斋‘好嘢，一部就够！’”麦兆辉补充：“我哋集合咗当时好好嘅团队，大家好团结，喺45个（42个）工作天内完成拍摄，我到依家都唔系好相信。”刘伟强笑说：“唔怪之我当时日日都觉得好攰，佢（麦导）话我一日拍67组飞车镜头，大家都揾命搏。”麦兆辉说：“如果刘太喺度，一定唔畀拍！”

观众席大家都好兴奋，“小薯茄”各人更大晒戏中金句赠庆，程人富说：“我会睇呢套戏TWICE！”身旁阿J笑言：“我会买性感泳衣！”童童说：“小心甩尾呀！”肥蚊抵死：“三万蚊⋯⋯抵睇！”

映后全场掌声，两位导演再上台分享，麦兆辉说：“虽然我睇咗好多次，但今次嘅声效完全唔同，立体感好强，我好激动！依家香港电影市道系差咗啲，但最紧要都系制作，我、刘伟强同埋成个团队，希望延续落去。”刘伟强说：“我睇完之后觉得自己好厉害，我个仔坐隔篱，佢读电影，佢话好正，我话：‘梗系啦，我拍㗎㖞！’有啲效果20年前出唔到，今次有机会修复，拍摄角度、声效、陈光荣嘅音乐、特技，再次呈现，唔似20年前拍嘅戏。今日感觉好似20年前第一次上映咁开心！”他寄望《头文字D》吸引观众，再掀起入戏院睇戏的热潮。

武术了得的伍允龙原来是《头文字D》忠粉，由漫画、动画到电影版都多次重看，他说：“因为我揸车好慢，所以我会睇呢套电影，代替咗我自己做唔到嘅嘢！”而首映主持人西瓜透露：“听讲导演仲有好多画面剪走咗，希望今次4K修复版反应热烈，加推导演版，完成大家‘秋明山之梦’，唔知会唔会有更多啲发夹弯飘移睇呢？”

最钟意睇靓仔的Evelyn说：“今次加咗杜比全景声，听到更劲‘轰轰’赛车必须有嘅引擎声，感觉亲历其境。仲有劲靓仔嘅陈冠希、余文乐、青涩嘅周杰伦，同埋陈小春，全部美男子，真系不得了，OMG！”Feanna好认同，笑言他们出场时忍不住细细声尖叫！而年仅24岁的Vian说：“我一直只有喺电视睇，旧版无咁清，今日第一次入戏院睇，而且系4K修复版，好兴奋。”

今年刚好20岁，与电影《头文字D》同年的江博熙说：“我有睇动漫和电影版，今次修复版清楚好多，画面好震撼。”身旁的Nicolas最喜爱周杰伦饰演的藤原拓海和陈冠希演的高桥凉介。而Van自爆20年曾与同学翻拍《头文字D》作为大学二年班的功课，他说：“我当年饰演京一嘅队友岩成清次，戴住星星头巾𠮶个。如果依家再演，我梗系想做拓海啦！”他在社交媒体分享当年造型相，非常有趣。