头文字D｜陈冠希余文乐屡传不和点合作　刘伟强︰唔钟意你咪行Q开

改编自日本国宝级漫画《头文字D》的同名电影，于2005年上画以来，20年来都被奉为经典，再度上画样票房依然凌厉，更成为开画冠军。除了漫画本身具吸引力，电影选角的神似也令作品晋身经典。事实上在筹拍《头文字D》时，有曾经公布过由陈冠希做藤原拓海，刘德华饰演爸爸藤原文太。直至台湾跑出个周杰伦，一切都改变了。

周杰伦赢在有拓海气质

以陈冠希性格，要他由主角变配角还要乖乖去演，是难度一；同片还要跟屡传不和的余文乐合作，视为难度二。不过在刘伟强眼中，两样都不是甚么难题，因为他奉行一句︰“唔得咪唔好嚟啰，就系咁！”刘伟强霸气地说。

回顾当日筹拍时为何想到由陈冠希演藤原拓海，事源是因为当日拍完《爱君如梦》（2001）。刘伟强︰“当时我点解谂起陈冠希，因为刚刚拍完《爱君如梦》，又有《无间道》，可能因为咁就有呢个想法。但当真系要接手这部漫画后，你就会认真去考量，逐个漫画角色同真人对照，睇下边个似，周杰伦真系有个气质，然后仲有黄秋生等一大班人。”

众所周知，陈冠希本人都颇有性格，由主角变配角，当时要用甚么方法说服他？刘伟强︰“唔去说服啦，唔得咪唔好嚟啰，就系咁！仲要我凑你？梗系唔凑啦，但佢OK嘅。（记︰点都会有啲唔开心吧？）唔开心都要做㗎，我哋当系另一个故事开始，佢心里唔开心都冇办法。（记︰有冇表现畀你睇唔开心？）表现畀其他人睇，佢唔敢表现畀我睇，哈哈……”至于刘德华演文泰一角，就更加不用多解释。刘伟强︰“大家都明，做咗咁多年电影。”

陈冠希余文乐点合作？

处理好陈冠希的角色问题，但剧组同时又安排余文乐入组。二人早在拍《无间道》时已有不和传闻，现在不单要陈冠希让出角色，还要跟自己合不来的人合作，这又要怎样处理，在片场可有问题出现？“都冇咩不和呀！我成日讲一句说话，呢个世界，你公司都有好多不和关系，但你都要做，你一系唔好接，就系咁简单！你喺出面工作一定会见到一啲你唔喜欢嘅人，唔钟意你咪行Q开，或者叫佢走，用呢啲方法，但当你入咗这个团队，你就有责任喺度。”结果二人都在戏中演出一份亦师亦友的感觉，而且角色性格跟真人都相似，都演活了角色。