爱还记得︱孙慧雪住所外台风塌树 阻止老公出街补给：唔系讲玩㗎
香港爱情电影《爱．还记得》，由孙慧雪、陈国峰、黄文标、奥米嘉仪、王玮彤、陈颖岚及岑珈其等主演，电影昨日（25日）举行首映礼，一众主演在十球风球过后，历经数次改期终与观众见面，非常幸运兼难得。孙慧雪首次荣升电影女主角，以一身华丽黄色平口露肩长裙配衬白色西装外套登场，对电影完成数年后终于上映感到格外兴奋，在首映舞台上转圈圈展露今晚造型，更想向男主角陈国峰献吻！
孙慧雪献吻吓亲陈国峰连环图：
《爱．还记得》女主角孙慧雪于首映礼上接受传媒访问，笑言几乎担心电影无法面世，而首映遇上10号风球，亦波折连连：“本身系台风前举行首映，但系突然遇到台风就要取消，改期改咗两次，又要重新邀请过各位嘉宾。我今日有另一个活动，点都要赶到呢一边！不停换衫都跑嚟跑去，但因为系我人生好重要嘅日子，冇理由唔过嚟㗎嘛！”雪雪本来亦邀请家人出席支持，长子却不幸突然发烧、丈夫需要留家照顾，因此双双无法到场：“但唔紧要，星期六有一场包场可以一齐睇！”
雪雪透露长子并非因为台风天气不稳而生病，表示：“唔知系咪放咗两日假太兴奋，今日一放学返嚟就发烧，啱啱畀咗退烧药佢食、交畀爸爸照顾就再出嚟。”孙慧雪昨日于社交媒体分享家住屋苑外大树倒塌情况，更写上幸好阻止丈夫出外，雪雪笑指丈夫在10号风球期间并非因“追风”外出：“我等到落返3号风球先带佢哋落去，话畀小朋友听呢个风几危险。（以追风意外为诫？）当然啦，因为呢啲嘢真系唔系讲玩㗎！（丈夫在打风期间为何想外出？）佢惊屋企唔够嘢食畀小朋友，但明明就有好多，所以就唔好再出去喇！”原来因为担心小朋友不够食物希望补给，其实亦是爱子心切的好爸爸。
孙慧雪于《爱．还记得》剧情中逆龄饰演学生妹，穿起校服与陈国峰演情侣戏份，雪雪笑言不记得多年前有否就亲吻戏份向丈夫报备，但估计丈夫有从最近报道中见到：“佢又冇出到声㖞！其实好烦恼，又想叫佢哋（丈夫与两子）嚟睇，但又好担心两个囝囝惊讶‘点解妳同其他男人锡锡？’都谂紧点解释！”亦续指穿起校服演出有点心理关口：“好大心理关口，我著起都心谂‘真系得？’但冇办法，做演员就系要同自己讲冇问题！”更笑指老公亦感到惊讶：“我老公话都几大胆，唔知叫唔叫朋友嚟睇，我话我人生第一套女主角戏，梗系要叫佢哋嚟睇！（著校服氹返老公？）应该唔得，万圣节可以著出嚟吓下人！”至于票房福利或谢票造型，雪雪亦笑言可以考虑著校服：“我一定会著校服出嚟！冇问题！叫埋国峰戴个假发、配条校裙！”