影帝林家栋首次接演正剧舞台剧《等待果陀》，今日（8/10）举行记者会，剧中其他演员朱栢谦、蔡瀚亿（BabyJohn）及倪秉郎都有出席，事后林家栋跟朱栢康接受传媒访问。

问到跟林家栋合作，朱栢谦坦言好有得著︰“已经学到好多嘢，佢应承揽上身嘅嘢就实系揽上身，佢拣咗个最难，开创荒诞剧先河的剧，故事虽然有起承转合，但都唔系普罗大众睇开那种，反转传统的叙事手法，家栋就帮手执个剧本对白。”

林家栋自言对上一次做舞台剧已经是2010年的事，是一部喜闹剧，今次可以试正剧最好不过。“之前觉得冇时间，导演喺呢若干年间，都畀好多个剧本我拣，直至年头睇到呢个《等待果陀》，可能自己成长咗年纪大咗，觉得那份绝望感几有感觉，可以试下。”

林家栋接过剧本的译本后，都花不少时间加工︰“我哋冇参考其他国家的版本，始终每个地方睇每一件事都有不同感受，所以想今次可以地道一点，尝试落地一啲，那怕会有一两句粗口都唔怕。所以当我睇第一个译本时，觉得好莎士比亚感觉，应该要粗鄙少少，又要不失原创意思，所以要逐句执。”

舞台剧12月公演，但家栋已经背好晒对白。连朱栢康都惊叹。“佢记忆力惊人、对剧本要求高，所改的对白又冇离开个语景，系一次好劲的翻译尝试。”而家栋就坦言由现在开始已经晚晚背一次剧本。“每晚临瞓前都会背一转，背完个脑仲Run紧，咁又会开电脑执下份稿，搞到每日朝早六点先瞓。”