舒淇自编自导电影《女孩》，昨晚（4/11）在香港举行首映，舒淇早前凭电影在《第30届釜山国际影展》，赢得“最佳导演奖”，她坦言信心不直都有，但获奖就要看天时地理人和，“好幸运啰！”首映礼上，丈夫冯德伦虽然没有现身，但事后就有欣赏电影，并跟太太在首映台前合照。

舒淇在接受传媒访问时，表示来到香港站是最轻松的一站︰“之前已经走咗两个几月，应该紧张嘅都紧张完，应该流眼泪嘅又流完，就系你哋会比较唔轻松，因为要听我讲广东话，我练咗好耐喇！”其实舒淇平时跟老公冯德伦都会讲广东话︰“不过佢唔会纠正我。”

早前冯德伦有投诉太太又攞奖，家中的Figure冇位存放，舒淇听后风趣回应：“系佢啲Figure多得滞，我咁少奖座都冇位摆。”问到老公会否包场支持，舒淇甚大反应︰“哈！唔知呢？你阵间问下佢，唔知会唔会问我拎飞呢？”其实今日并非冯德伦第一次观赏《女孩》，太太一早给予初剪版他在家中欣赏，至于评价如何？“冇乜意见，佢净系话几好，果然系文艺片。都开心嘅，佢呢个版本系两个钟头又40分钟，见佢全程冇睇过手机，咁应该睇得过。”

《女孩》的故事，部分是取材舒淇儿时受家暴的经历，这些往事都有略略跟冯德伦提过︰“佢有时同我返台湾，会觉得我同阿爸讲嘢时好粗鲁，我会同佢讲‘你都唔知细个时我老窦点对我，我而家咁样同佢讲嘢已经好好㗎喇！’，跟住佢就唔想同我讲嘢，不过当佢睇完呢部戏时，佢就话可以感受到我细个时候嘅环境喇！”但对于这些往事，作为老公亦冇刻意再去安慰，“佢系一个向前行嘅人，觉得呢啲都已成过去，同埋我都已经咁大个，而家又有咁大成就，佢谂嘢系好正能量。”

其实再一次面对自己不快的童年，舒淇都觉得应付得来，因为很久之前已经释怀。“我都有同爸爸妈妈一齐睇套戏，同妈妈睇首映时，仲问妈妈点呀？好冇睇呀？你冇幻想男主角邱泽系你老公吗？”而长大后，舒淇都一直以半带笑的形式追问妈妈︰“我细个时你知唔知争啲打死我？佢话有咩，冇呀。其实年代不同，大家所受嘅教育不同，对很多事情的处理都有所不同。”

电影于本周四（6/11）香港上画，舒淇都担心电影会叫好不叫座︰“怕会影响之后想再拍戏的机会，资金会冇咁多，难再有相同质素嘅戏，最紧要唔好令投资方蚀钱。”至于拍摄时有没有打算自资帮补制作费？“监制阻止我，佢话新人第一次拍戏，虽然你系舒淇，但都唔好自己拎钱出嚟拍戏，要坚持制作电影的原则，唔好有坏影响，其实有很多场我都想重新拍过，但监制说电影就系一种遗憾的艺术。”