由郭富城、吴镇宇、方中信、周励淇主演的电影《内幕》今日（25/11）举行首映，今次是郭富城自三女出世后首度跟传媒见面，同时公布三女名字叫郭咏心，英文名Cheryl。今次是郭富城跟吴镇宇自《公元2000》，25年后再度合作，大家都觉得对方有很大分别，城城忆起当年演出还有偶像包袱，现在完全不同。

问到三女出世后，可有享受凑番初生婴儿的快乐，城城坦言有：“成个过程好享受。”身边的镇宇就比当事人表现更为肉紧：“好正㗎，你谂下本来过咗冇得抱，又一个，呢个唔抱得啦，又一个，我话畀你听真系好好。”

城城亦深表认同：“无论喺出面做嘢几辛苦都好，流几多汗，但当我见到BB，就算瞓紧觉都好，佢擘大只眼望到我嘅时候，就融化晒，咩都值得。”此刻镇宇都似置身现场一同回味：“你畀一只手指佢捉住都好（都开心），你谂下几犀利”

问到镇宇可会想重拾凑小朋友经历：“都挂住呀，而家都唯有睇番录影带回味，好在有录影带。”但镇宇都不忘叮嘱城城：“享受埋呢一刻，佢哋一大你就惨呀！到时三个廿几岁女仔喺埋一齐。”

作为“女神之家”，城城的大女跟二女，又有冇尽家姐本份，帮手照顾妹妹，例如氹瞓觉？郭富城：“未识氹佢瞓，但会锡佢。”至于可有计划再追第四个，城城表示暂时冇：“我成日都讲，每一样嘢喺我生活里面，性格里面，每一样都系顺其自然，讲完。”