万众期待的《寻秦记》电影版，由古天乐担任总监制，吴炫辉与黎震龙执导，古天乐、林峰、宣萱、郭羡妮及滕丽名领衔主演，将于2025年12月31日登上大银幕。项少龙（古天乐 饰）、秦王赵盘（林峰 饰）、乌廷芳（宣萱 饰）、琴清（郭羡妮 饰）、善柔（滕丽名 饰）、滕翼（黄文标 饰）、“陶总管”陶方（欧瑞伟 饰）及李斯（陈国邦 饰）等原班人马都有在电影中亮相，不过最终还是独缺饰演连晋及嫪毐的江华，带点美中不足。

江华曾表示演TVB剧少担正　幸《寻秦记》做配角成功突围

去年江华接受《01娱乐》专访时，曾分享在TVB拍剧点滴，他不讳言在TVB甚少做主角或参与大制作，唯一做主角的《九五至尊》都是低成本小品，又说：“你话《西游记》𠮶啲，（制作）大啲啰，但系《西游记》都唔系第一男主角啦，梗系马骝精啦第一男主角，系咪先？咁你再讲《寻秦记》，都唔系你做主角啦，你劲，你个角色出咗嚟啫，但系都唔系你做主角㗎，顶多咪话你二三线，唔会系主角㗎。”

连晋角色自带邪恶背景音乐　江华感谢观众畀面

无可否认，纵然《寻秦记》主角是项少龙，但江华饰演的连晋、嫪毐，在观众心里确实经典，甚至被形容为“自带背景音乐的角色”，指每次某首配乐响起，就知道连晋又做了坏事，YouTube上甚至有“寻秦记邪恶音乐”短片！江华笑言：“都系俾面啦我觉得，系呀连晋，嫪毐一出场，就会有一个自己嘅音乐㗎嘛，好似系佢专属嘅音乐呀嘛。”更即场哼了几句，并非常感谢观众的喜爱和支持。

网民为嫪毐开Threads账户　制AI穿越图

近日Threads有一个以“嫪毐”为名的专页出现，版主用AI制作了“嫪毐”江华穿越到现代的照片，又模仿嫪毐语气说话，与网民交流，获得很多Likes。由此可见即使连晋和嫪毐无份出现在电影版都好，在观众心中仍有举足轻重位置。

不参演《寻秦记》电影　因连晋、嫪毐已死自觉没必要重拍

专访中江华亦有亲自解释不参与《寻秦记》电影版的原因，主要是觉得没必要重拍，他说：“一部成20几年嘅戏，我唔知道exactly，𠮶个年份，但系我觉得都老咗啦，大家都唔同晒啦，即系如果你话要我喺套戏里面再出现一个连晋也好，嫪毐也好，死咗啦㖞，仲再出现？咁佢都有啲死咗可以再出现嘅，但我觉得冇需要，如果你一部电视剧能够成为好多人口中嘅经典，我觉得已经好够啦，重拍，喺我嚟讲啫，我自己嚟讲我觉得重拍嘅意义究竟喺边度呢？咁或者喺某啲人佢哋𠮶个心里面，佢哋个意义系有另一种意义，但系如果纯粹你问我，喺我呢个角色里面我觉得冇意义，所以我唔会拍。”

古天乐曾回应江华缺阵：死咗冇办法令佢复活

而其实古天乐早前接受《01娱乐》专访时，都表示已致力找回原班人马，对于江华缺席，他解释：“部戏入面死咗嘅，我系冇办法令佢复活，因为讲20年后嘅事，呢件事系好合理，总之计电视剧完𠮶集边个仲喺度，唔通揾同一位演员演第二个角色，唔可能，因为今次系讲我同秦王廿年后的决裂，如果咁讲吕不韦（郭锋）咪都要翻生？”