73岁武打巨星洪金宝，近年随年纪老迈行动不便需要借助轮椅或撑拐杖出入，早前洪金宝开设抖音帐号，在影片中格外精神、亦未有坐轮椅或被人搀扶，因此在内地网络卷入注射“神秘液体”用以回春的阴谋论！洪金宝今日（30日）在洪天明陪同下出席《寻秦记》电影版首映礼，撑拐杖踏上红地毡及舞台，受访时则全程安坐椅上，回应记者提问时声线则明显疲惫薄弱，未如昔日一样声如洪钟，离开时则由洪天明搀扶起身，并坐上电动车离场。

洪金宝亲自回应健康状况：70岁以上嚟讲一流！

洪金宝于《寻秦记》首映上与儿子洪天明一同接受访问，洪金宝回应健康最新状况时表示：“状况一流，但系70岁以上嚟讲一流，唔系廿几岁嘅一流，但好在我每日都醒得到见到我嘅仔、我嘅孙，同佢哋倾下计，咁我就好开心！尤其是我太太一路照顾我，我好幸福！”虽然洪金宝声线变得薄弱无力，但头脑转数仍然一样飞快、对答如流！

《寻秦记》促成洪金宝四父子合作

洪金宝与洪天明难得父子档在《寻秦记》合作，天明笑言父亲在拍摄时未有对自己特别严格：“以前会觉得嘅，拍开又唔觉得有咩特别。但要多谢古生，因为系爸爸同我三兄弟拍嘅第一部戏！几惊喜！”原来电影集结洪金宝与儿子天明、天祥与天照“四父子”合作，对洪家而言意义深重。谈到在父子档合作，洪金宝大赞儿子表示：“天明一路都系好嘅，由16岁返嚟做替身，有好多危险动作，佢都做得到，好嘢嘅！”天明获父亲高调赞扬，开玩笑指：“呢句好似有听过！好似有赞过嘅！我都记得当年暑假返嚟，做到一个动作就好兴奋，但始终唔系由细开始训练，做唔到一个真正武打演员。”

洪金宝自嘲要用拐杖：唔好睇我跛、我用枝Stick搞掂你！

洪金宝作为《寻秦记》动作指导，表示与古天乐合作多次深明对方能力，因此将最高难度动作全交由他负责：“最高难度嘅梗系畀古生啦！男主角冇理由做塘边鹤。我度得出嚟佢就一定做得到，如果做唔到又何必呢？我最初由《杀破狼．贪狼》就了解佢嘅能力去到边，本来《贪狼》𠮶阵惊㗎、惊佢乜都唔掂！我揾定替身，但佢话唔使！”洪金宝近年与古天乐合作《寻秦记》与《九龙城寨之围城》，表示不论幕后指导或幕前演出均不辛苦：“对我嚟讲系Easy啅！湿湿碎！你唔好睇我跛，我用枝Stick搞掂你呀！”大哥大幽默感十足自嘲起来精灵过人！

洪金宝有意重启《五福星》：啲老友走咗咪走咗啰！

在参与演出方面，洪金宝表示最近略为减少：“少啲啦，冇人请喇依家！好多都系客串一日两日，朋友揾我就局住帮下手啦！”但表示自己创作力十足，洪天明亦支持父亲继续拍戏，大哥大透露：“我一路谂紧想拍《五福星》，老咗嘅五福星呀！讲几个福星全部都喺老人院呀，反转间老人院！（但吴耀汉、冯淬帆已离世）啲老友走咗咪走咗啰！可以讲下佢㗎嘛！”

洪天明最近举家搬迁至深圳居住，天明表示太太周家蔚希望迁就经常两地奔走的自己：“太太想多啲时间同我喺埋一齐，所以搬埋过嚟，佢哋都慢慢习惯紧。爷爷（洪金宝）就唔系好舍得，惊搬得远。”洪金宝则幽默表示地：“我都想搬埋去佢哋楼上！我个女唔畀咋嘛！”