万众期待的电影版《寻秦记》今日（30日）举行首映礼，总监制兼男主角古天乐与导演黎震龙、吴炫辉携同宣萱、林峰、郭羡妮、滕丽名、苗侨伟、白百何等主演，并有动作指导大哥大洪金宝及洪天明父子档一同亮相，在星光大道红地毡上逐一盛装登场，为2025年最后一日盛大上映庆祝！

林峰、郭羡妮、滕丽名与张继聪于《寻秦记》首映礼后接受传媒访问，异口同声表示尚未观赏上映版本，仅于配音期间片段式回看过自己演出的部份，张继聪则透露：“旧年今年都补咗少少片段。”林峰接续指：“我哋补咗啲场口，因为有啲修改。”张继聪笑指：“大家都仲有着返啲戏服，我套衫唔啱著㗎！我第一日开工200磅左右啦，拍到最尾150磅左右啦，手臂一路缩入去、块面又尖咗，古老板仲话我个样唔连戏！”张继聪今年先后有《金童》与《寻秦记》解封上映，他表示希望两部套成绩都理想：“《金童》好托赖已经有一个好感恩嘅票房，我谢票已经叫大家支持《寻秦记》。（撞期会影响《金童》票房？）冇惊过！预早做好准备，喺航空母舰嚟之前准备好，我都要上返母舰！大家主力睇咗《寻秦记》先，《金童》有一两场都可以睇下。”

张继聪回想拍摄期间，在贵州有大量飞蛾：“多到想像唔到，依家要用AI先做到，用电蚊拍一扫系连环嘅声！”林峰亦表示：“一定要赶，因为啲飞蛾多到挡住盏灯！”张继聪更大爆林峰现场狼狈一面：“我哋一落车就要跑入宫殿，我第一次见到秦始皇跑呀！真系好经典，古老板已经喺里面等紧。”滕丽名更大爆当年剧集版片场卫生状况，笑言：“讲起厕所有好多记忆，本身好干净嘅，喺未有嘢跌落嚟之前！”林峰亦似乎记忆犹新：“当年真系好似开荒牛咁，系电视台第一部咁多实景拍摄嘅剧集，好多地方冇人拍过，条件系欠缺少少。”更笑言大量临演的逼真程度令自己吓窒：“几千人跪你嘅𠮶一下，真系讲唔到嘢！（请大家平身？）讲笑就得啫，𠮶时后生真系唔识反应，受唔起呀！”

《寻秦记》作为郭羡妮首部剧集，她表示环境因素未令自己却步，但却自爆：“好多文绉绉嘅对白好难背，有一场我教阿峰兵马、历史内容，我谂依家拍唔到！”虽然文戏或仍具挑战，但郭羡妮在电影花絮的利落身手却被网民大赞，她则表示：“我本身系打得㗎，底子上系打得！（向丈夫偷师？）佢系学武之人，唔系咁容易耍畀你睇！”