贺岁片《夜王》今日（31/1）在中环举行“东日步步高升枚王争霸战”，一众演员黄子华、郑秀文（Sammi)、廖子妤、杨偲泳、何启华（阿Dee）、杨伟伦、芯駖等都有出席，跟粉丝争做枚王。早前杨偲泳爆何启华拍咀戏前食“蒜蓉白菜仔”，搞到一朕味，阿Dee就在访问中解释点解会有呢个失误。

何启华讲到拍摄期间，为保持身形，都刻意食得清啖一点。阿Dee︰“而拍呢一幕前都已经刷晒牙做好准备，但到Roll机时就放饭，于是就食咗盒菜，仲觉得好好味，估唔到好味系因为加咗蒜蓉，我知我失策，但唔紧要啦，我知我将来都冇乜呢啲机会。而做人系要追求进步，再有下次应该要有椒丝腐乳味。”芯駖更大胆提意试下黑松露。

问到阿卵杨伟伦被指在MV的相貌似许志安，他听到后立即回应︰“安仔真系靓仔好多，你哋咁样讲问过安仔未呀？”讲到MV拍摄，由于要拍到大家好有型，但阿卵就觉得出来效果有少少奇怪。“因为Sammi喺个角落度跳，真系好型，而我哋就系畸型，全部工作人员都系笑紧，就连Sammi一齐拍紧，当大家有眼神交流时，佢望一望我都会忍唔住笑出嚟。”

杨偲泳更爆阿卵当日原本是著牛仔裇衫拍MV。杨伟伦︰“剧组叫我著得有型啲，可能我同大家的谂法有少少唔同，最后廖子妤借件粉红色毛毛褛畀我，但我著起觉得有少少似喜羊羊，我都问系咪得呀？”阿Dee就笑言自己似灰太狼，两个拍埋系有阵欢乐气场。阿卵更大赞Sammi拍摄时表现专业︰“专业在佢望到一啲嘢觉得会忍唔住笑嘅，就选择唔望。”