导演吴炜伦继亿万票房巨制《毒舌大状》，接力作《夜王》未映先轰动，宣传攻势招招新奇，有见近日CantonPop在各大夜场再领风骚，郑秀文（Sammi）的一系列经典快歌更是热播首选，天后本尊登场，肯定带来核弹级震撼效果！周六（31号）黄金夜，吴炜伦导演、Sammi率领廖子妤、杨伟伦、何启华、杨偲泳、谭旻萱、李芯駖、林熙彤、邓丽英@小薯茄、赵君瑜、周芷慧、王紫影、蔡蕙琪、黎纪君、廖颖琛突袭式快闪Cantomania，全场登时惊呼狂叫，震动震荡汹涌而上，以“夜场女王”Sammi为首的《夜王》团队果然不同凡响！

Sammi突袭广东歌派对现场

《夜王》团队尚未现身之前，DJ先以Sammi经典快歌《煞科》、《叮当》炒热气氛，没料到毫无预警之下，天后本尊竟突然现身，在漆黑中呈夜光的鲜红，一身型爆鲜红运动服打扮的Sammi，偕一众《夜王》好拍档跳上DJ台，全场兴奋尖叫至忘我状态，人人边“un”边高举手机摄录，紧接再播《夜王》主题曲[feat. 尖东夜王] [Shine一次 Version]，更将爆裂气氛推至最高峰！及后，夜场更罕有播出《夜王》电影预告，带来一波又一波热烈掌声。

何启华见证天后驾临夜场的威力

接受访问，Sammi心情依然激动：“非常兴奋！因为我从来都冇嚟过（夜场），而且今晚最开心嘅系，同《夜王》导演、演员一齐嚟玩！见到啲人嚟玩，（DJ）打紧自己嘅歌，好兴奋又感动！”何启华亲身见证天后驾临夜场的威力：“Sammi一出场嘅时候，系突然之间全场升温，我即刻标汗！人生冇几可，可以叫到Sammi出嚟，同我哋一齐炸烂个场！”杨伟伦亦大呼刺激：“我未嚟过呢啲咁hyper嘅地方，平时我都系去开图书馆，头先真系好high，可以同Sammi一齐同台yo ，好紧张！”芯駖则感受到何谓真正“惊喜”：“我见到现场啲观众朋友，好似唔系好相信呢个系现实，呢个系咪真系Sammi ？真系Sammi ！现场气氛真系好热闹，大家好close，打紧好多广东歌，用返自己语言去party，好开心！”丽英第一次来到夜场，最大感受是——“而家只耳仔仲有Sammi《星秀传说》𠮶把声，因为大家都喺度狂叫Sammi！”

宣传歌《星秀传说》一播即hit

《星秀传说》[feat. 尖东夜王] [Shine一次 Version] 播出时，现场观众反应炽烈，廖子妤直言有如打了一支强心针：“好振奋，大家一定要入场支持，新年嘅时候同啲姨妈姑姐睇完之后，再自己睇一次，㗳真啲，之后再同啲朋友去睇，跟住同啲邻居去睇，总之睇完《夜王》，新年一定会旺！”杨偲泳亦深感鼓舞：“第一次同全部人一齐睇预告，印象比较深，全场人好安静咁望住个mon，睇完之后真系走唔甩，唔睇都对唔住我哋今次洒狗血嘅演出！”吴炜伦导演一锤定音：“我今晚对住成班演员，再一次证明，呢部戏系冇拍错！农历年要入场支持《夜王》！”