林盛斌（Bob）及钟楚霖的棋人娱乐，昨日（3日）举行《The Best Awaits 棋人先声迎新聚》，介绍旗下多位司仪，其中一位荣升“师姐级”的，便是2018年港姐庄嘉慧（Kathy）。虽然公司有四位新血加入，但庄嘉慧主攻普通话司仪路线，所以不担心机会减少，又大赞公司给予很大自由度。她希望马年继续发展好司仪事业，自觉几适合做主持类工作，亦喜欢娱乐大家。

靠福建话突围参演《夜王》　自爆试镜需填写亲密尺度

票房冲破7,500万的贺岁片夜王近日成为全城热话，Kathy都有份参与，她饰演V姐（郑秀文饰）外援队的小姐“红红”，透露TVB的Tiffany介绍了一位朋友给她，令她有机会去casting：“中间好搞笑，佢叫我用三个语言去casting，普通话、福建话同埋广东话，我觉得佢应该系睇中我福建话，我属于外援，V姐带我哋入去，所以都系外援嚟，国内嚟香港嘅人。”她坦言自己是福建人，比较传统，第一次拍这种题材的电影，十分紧张：“我觉得系好大好大突破，甚至乎佢会问你接唔接受到kiss呀，呢啲亲密啲嘅戏咁样，要填form，全部so far都好好。（记者：咁你填你嘅尺度？）其实我净系填咗我可以kiss，我会尝试放大啲尺度，但系而家净系可以kiss。”

获子华神记住角色名超兴奋　大赞他与郑秀文零架子极亲民

回忆起第一次见到黄子华与郑秀文，Kathy非常兴奋，大赞二人十分友善、零架子：“私底下仲会倾偈，成个环境、感觉好舒服，我作为一个新人，第一次拍电影，我都会好忐忑，惊我有咩做得唔好，但系成个过程系好好，就算啲囡囡，Mimi妈（廖子妤）、王丹妮，总之个个都好好，会坐喺侧边话‘呢排点呀？’倾吓偈，成个都好放松。”而其中一件最开心的事，是子华神竟记得自己：“拍𠮶阵时佢就话，‘点呀？你挂唔惯？你系演咩角色？角色叫咩名？’好nice咁倾偈，我就话我叫红红，我无expect佢记得我呢个角色，但系佢后尾见到我就叫我红红，好开心呀成件事！

性感戏遭删减惹网民不满　理解导演考量：佢一定想将最好嘅呈现

她饰演夜总会其中一位小姐，其中一件难忘事，是与另一位“恩客”埋位前所发生，她说对方在未Roll机前，叼住烟问她“点呀点呀？我个角度点呀？”她回答：“其实仲未roll机㖞。”对方再说：“你出嚟做㖞，你等阵要帮我点烟。”她续说：“我就话，er⋯机都未roll，咁我系咪真系出嚟做？个感觉好正。”此外，早前有指大量性感戏份遭删减，尤其是杨偲咏（Renci）及王丹妮各自的性感亲热镜头，有观众表示不满，Kathy就十分理解：“其实我都拍咗十几日，但系我觉得冇嘢，因为电影真系得两个几钟嘅时间，导演有佢嘅考量，一定想用最好嘅嘢呈现畀大家，就算Renci咁，cut咗，好唔抵，佢cut咗好多，我呢啲可能一两句对白，cut咗我觉得都OK，剧情需要我觉得都好正常。”她说十分期待若票房冲破1亿会有加长版。