冲锋火拼｜张继聪羡慕吕良伟70岁劲Fit 拍《跛豪》得两个月增磅
撰文： 许育民
出版：更新：
电影《冲锋：火拼》由方中信、张继聪、陈家乐、吕良伟、张文杰、马思惠（Macy@VIVA）主演，昨晚（4/3）举行首映礼，其中张继聪与吕良伟接受传媒访问，阿聪坦言自己跟爸爸都是吕哥粉丝︰“今日有带爸爸妈妈嚟睇首映，仲问我一阵可唔可以同吕哥合照，佢成日睇你啲养生片。”
戏中四大型男，张继聪、吕良伟、方中信及陈家乐，开场前来个合照。（许育民 摄）
今年70岁的吕哥，依然冇老态。（许育民 摄）
对于这位小粉丝，吕良伟都有赞冇弹︰“佢系个好自律嘅后生仔，对我尊敬，态度诚恳。”阿聪对于年届70的吕哥，依然劲Fit感到羡慕，自己都变埋其养生片的粉丝。“我成日都同老婆讲，我要俾心机，佢真系俾到大家希望，最紧要系有质量嘅生活！”而向来早睡早起的吕哥，今次为拍摄就连续挨了7晚通宵，直言只限为香港电影才愿意牺牲。
张继聪得知吕良伟当年，只花两个月时间便增肥40磅，想像不到点做到。（许育民 摄）
吕良伟当年增肥40磅演出《跛豪》。（《跛豪》剧照）
而这份拼搏精神同样打动阿聪，“我哋成班好想拍番吕哥𠮶种拼搏精神！”他又讲到6年前，为拍《金童》花两年时间增肥操肌，正正想起当年吕哥为拍《跛豪》增肥40磅，问到当年花几多时间完成？“两个月！”吕哥说。“完全唔知佢点做到。”阿聪更赞叹当年吕哥廿多岁就演到《上海滩》丁力这角色。“而家个初出道，廿三、四岁嘅演员，都仲系BB咁样，想像唔到佢当年廿几岁，就演到呢份重量，匪夷所思！”
吕良伟凭《上海滩》丁力一角走红，演出时只有23、24岁。（网上图片）