贺岁片《夜王》票房冲破8500万，今日（8日）导演吴炜伦率领V姐郑秀文、李芯駖、何启华（Dee）、林熙彤（Hazel）及赵君瑜（Angelina）出席“《夜王》庆祝V姐荣升东日老板娘大派对”谢票活动，Sammi亲自在各人脸上点了一粒V姐招牌癦，其中导演和Dee哥的更有“发财毛”。活动上大会颁发8000万支票及切“8500”蛋糕，庆祝票房报捷，吴炜伦笑言感觉“东日变东华”，又希望票房再多几个零。谢票期间几位接受访问，讲到终于够钱赎回“东日夜总会”，导演表示：“赎得返东日㗎喇，不过Ace（何启华）𠮶条数就仲跑紧。”Dee即说：“虽然我系二五仔，但系都要帮我跑㗎！”

重庆男Lowcost扮V姐　网民大叫“姊妹”Sammi无奈：咁样好伤我心

由于电影公司事前邀请观众扮V姐，因此不少观众都以Cosplay造型捧场，最终大会选出三位观众，他们皆以粉红色造型亮相，更有一位是远道从重庆而来的男Fans！不过众人就因为时间关系，造型望落明显是Lowcost cosplay，相对正版就较为“一言难尽”，难怪当有观众高喊四位是“姊妹”时，Sammi表示：“你咁样好伤我心！”记者问到Sammi觉得几位装扮如何，她说：“如果话似我，系咪我应该有啲伤心？但系我觉得诚意真系可加，同埋有一个系喺重庆飞落嚟𠮶个男仔，笠晒假发，好有诚意佢又要赶飞机，呢个令我相当感动。其实系咪好似已经唔重要，𠮶份心意吗，同埋支持《夜王》呢份心意紧要。”上次扮完欢哥，今日扮V姐，Dee哥建议下次可以扮导演，指不一定要剃头：“我哋可以扮唔同时期嘅导演，从小学一年级去到中学都扮一扮。”谁知导演竟笑说：“我一年级已经系咁……”

Sammi漏口风暗示将开启德骚：唔好问完唔买飞

此外，谢票时有观众大叫Sammi开演唱会，她叫大家留意消息，而当观众再大叫“启德”时，Sammi的反应就相当有玄机，问到是否即将开启德，她扮傻说：“咦？我冇暗示呀，佢问我，我话唔知咋嘛。（记者：明示？）Er……（记者：系咪要储定钱？）都可以储定钱嘅！（记者：边啲时间留喺香港？）Er……哎呀，好快喇，咪咁心急！”记者再试探她，问她是否可以著短袖衫，即夏季去睇骚，她就再答：“唔好问完唔买飞㖞！我滴晒汗！”又叫大家先睇多几次《夜王》，有记者建议她届时可叫《夜王》班底上台表演《星秀传说 (Shine一次ver.)》，她即谓：“哗，梗系开心啦！揾芯駖帮手跳舞啦， Ace负责Rap，当然好啦，如果真系各位兄弟姊妹能够嚟捧场就好喇，一齐上台玩就更加开心， Everyone is a Superstar，导演拣呢只歌我谂返件事真系好有趣，好似冥冥之中啲歌词好吻合，我哋而家一切一切发生紧嘅嘢，其实都几感动。”而导演就预告Soundtrack正制作当中，很快会出现。

破亿有望推加长版？导演吴炜伦：要谷一谷老板先

《夜王》票房已过8500万，距离1亿又近一步，观众都希望届时可以睇加长版，尤其是杨偲泳（Renci）被删走的戏份，导演说：“破亿就希望观众多多支持，其实看似好多人睇，其实仲多人系未睇，希望大家本来开头可能有少少犹豫嘅，‘咩戏嚟㗎呢？’希望大家听到口碑，未睇嘅都可以入场feel一feel，睇一睇，开心戏嚟㗎！”至于加长版，吴炜伦导演直言不由得他作主：“谷一谷？等我要谷一谷老板先，呢个都系要老板决定。”他指近年好像“加长版”变了大家预设一定会有的事，被问在他心目中加长好还是原版已经够好，他说：“永远都唔会有最好嘅版本，就算而家呢个版本，都会觉得如果当日拍嘅时候拍多啲啲就好，要多两句对白就好啦，通常都有呢啲状况，希望老板快啲落呢个决定，有呢个老板我哋大家开行Turbo去做。”他透露现时要靠观众向老板提出，因为老板主要都是睇数做人。

杨偲泳戏份被剪反戥导演惨　吴炜伦封对方“东日爱心大使”

日前Renci现身商台《Bad Girl大过佬》做代班主持，期间否认不满戏份被删，又替导演感不值：“其他演员都付出好多，但真系因为片长问题，贺岁档，其实唔止我，阿Dee及芯駖都畀人剪走，我觉得将件事发酵得好劲，对导演Jack（吴炜伦）唔公平。”她续说：“如果有日我做导演，我畀人剪走啲戏，最唔开心系我啰，但我觉得导演好惨，写又系佢拍又系佢，又筹备咁多年去拍。”对于Renci的说法，导演说：“辛苦嚟讲就cut唔cut都辛苦，因为剪接确实系一个好辛苦嘅工序，其实就唔止Renci嘅，我谂呢度咁多位都俾我剪走咗啲，因为片长问题，都系留待老板决定。（记者：Renci戥你惨，剪走心血仲要俾人闹）佢可以荣升东日爱心大使！爱心姐！”

苏民峰指点迷津芯駖叫大家齐摆风水阵批　Dee哥望躺平赚钱

日前《夜王》剧组开直播，请有份客串的苏民峰师傅为主演讲解流年运程，提到吴炜伦、芯駖行大运，建议芯駖摆流年风水，被问到摆咗未，她表示：“我周围同人讲，叫我啲朋友，即刻摆八粒白色石头喺水入面，摆北位。（郑秀文：即系冇摆啦，避开咗自己冇摆，叫啲朋友摆。）未有时间准备，但系大家都值得准备，你哋都可以试吓，大家一齐实验吓系咪真系OK。”不过Dee哥竟被指已过高峰运，2026年至2027年是高峰最后，之后就行平稳运，2028至2033都不太有运，问Dee哥打算如何争取在这两年大爆发，他笑说：“系呀，收尾𠮶两年，好似话系好事嚟嘅，只系呢两年定咗型我未来点行啫，我谂我会争取瞓多啲，希望未来𠮶二三十年都系瞓喺度，瞓喺度都可以生活到，瞓喺度赚。我都有兴趣摆风水阵，但系揾唔到边度有白色石头。”至于“行肚疴运”的Hazel，则透露食完庆功饭肚子不舒服，可能未听师傅讲要摄红纸在床下底，但她认为“屙多啲”对肠胃是好事，有得去总比冇得去好。

刘青云恨拍“多女”戏　吴炜伦献计：女子监狱拍丧尸片

直播期间他们又讲到会拍丧尸片，吴炜伦坦言好想，谈到选角，阿Dee自荐：“我做咗几廿年，每日生活都好丧。”更即场扮丧尸行路，而芯駖自嘲：“我落咗妆就系丧尸，悭返啲化妆钱。”对于刘青云日前表示有兴趣做欢哥，并有兴趣参与“多女”的电影，吴炜伦回应：“谂一谂如果开女子监狱就有好多女，但系佢点样混入入去女子监狱呢？狱卒都系女㗎㖞，女子监狱嘛，佢可以饰演太平绅士，成日讲‘有咩要求？有冇投诉？’𠮶啲，咁就系女子监狱俾班女囚犯夹住咗，咁佢咪可以逗留耐啲，戏份多番返。或者直头将个丧尸片摆喺女子监狱，满足晒咁多位愿望。”