香港电影编剧家协会今日（10日）举行春茗及“年度推荐剧本奖”颁奖典礼，邀请许冠文、张家辉、黄子华、郑秀文、陈法拉、廖子妤、王丹妮及张继聪谢安琪夫妇等出席。贺岁片《夜王》票房日前臻至8500万元，有望破亿并追赶许冠文与黄子华合演的《破．地狱》历史性纪录，许冠文、黄子华与Sammi郑秀文于颁奖礼上接受传媒访问，黄子华笑言不敢猜测票房最终成绩：“谂都唔敢谂呀！”许冠文则表示观众大多被郑秀文吸引入场，令Sammi随即怕丑耍手拧头：“讲呢啲！”

许冠文酒后吐真言大赞《夜王》：讲返我以前成日去嘅夜场！

许冠文有份客串另一部贺岁片《金多宝》，表示自己亦有捧场睇《夜王》，大赞娱乐性丰富、港产片味十足：“呢套一定打破到《破．地狱》！”更语出惊人表示：“讲返我以前成日去嘅夜场𠮶啲地方！”黄子华闻言随即大笑，走到文哥身边举起其手上酒杯，许冠文便继续酒后吐真言表示：“我讲笑咋！系我以前想去嘅地方，𠮶时冇钱、饭都冇得食，边有钱去呀？”谈到许冠文撰写个人剧本进度，文哥则表示：“希望我去之前可以再同子华合作，系我小小嘅心愿嚟！破埋纪录嘅话，咁就可以安心去得！”子华则补镬表示：“文哥系讲紧‘去得’另一个夜场！大家千祈唔好误会！”

郑秀文赞子华做欢哥最好　许冠文语出惊人：我做龟公唔似、要做最咸湿嘅角色！

《夜王》早前一场谢票活动上，许多男女影迷粉丝以“V姐”造型亮相，子华亦表示身边个个好朋友都自荐想做欢哥，包括刘青云等影帝级人马，但郑秀文则表示：“每个人做出嚟嘅味道都唔同，子华做系最理想嘅版本！”问及许冠文会否参演续作，文哥则语出惊人表示：“我做龟公就唔太似，我做夜总会宾客似啲！做最咸湿𠮶啲角色最似！”

郑秀文启德个唱准备全新歌单　许冠文自荐：我同子华合唱！

有传郑秀文有意于启德主场馆举办演唱会，岂料场馆竟率先发布外墙横额，Sammi受访时笑言：“佢哋竟然宣布得快过我！其实落实咗七月，攞咗个场试下，都想感受下钟意启德多啲、定系一路最钟情嘅红馆！”子华笑言Sammi一定要开足十几二十场，郑秀文吓一跳笑言：“启德边开到咁多场！红馆就得嘅！”亦透露上月起已经准备香港个唱歌单，希望加入更大新鲜感，竟令身边的许冠文突然自荐：“如果你唔介意，我可以同子华合唱！你知我唱歌唔好听㗎啦！”但Sammi仍表示获文哥加持已经非常不得了：“好癫呀呢件事！”