香港电影编剧家协会今日（10日）举行春茗及“年度推荐剧本奖”颁奖典礼，邀请许冠文、张家辉、黄子华、郑秀文、陈法拉、廖子妤、王丹妮及张继聪谢安琪夫妇等出席。提名应届金像奖“最佳男主角”的张继聪与太太Kay谢安琪一同出席春茗，于活动现场接受传媒访问时先预祝阿Kay即将生日，张继聪表示今年将与太太在家中庆生：“依家一家人食饭最紧要开视像，最紧要凑埋个仔嘛！”

张继聪长子赴澳大利亚升学　谢安琪睹物思人：唔可以坐喺屋企

张继聪长子张瞻刚到澳大利亚升学，谢安琪表示大感不舍：“我哋呢排都系咁样食饭，开住视像同个仔倾住计。生日喺屋企食饭静啲，喺街开视像好尴㗎嘛！”张继聪表示与谢安琪搭飞机回港时相当不舍，夫妇一同流泪争纸巾：“依家慢慢适应咗，有时未尝唔系一件好事，有时分开咗先喺另一个角度睇个关系，佢依家起码会秒覆Message。”谢安琪更会触景生情，难以留在家中：“我唔可以坐喺屋企，要全日塞满行程，但时时刻刻check住有冇message我。头几日心情系唔好嘅，但一个礼拜之后就好咗啲，我都几无情，一个礼拜就冇啰！”

长子未认识金发美女同学　张继聪笑言：唔好辜负爸爸

张继聪表示长子居住于留学生公寓之中，未有向父母透露新学年新圈子状况：“冇㖞！我成日同佢讲男女都识下啦！我感觉都正面嘅！”表示将会忙碌筹备演唱会，儿子则未能回港欣赏父亲的演出。至于儿子有否认识金发美女，张继聪双眼发亮笑言：“咁正？都好呀！佢读国际学校咁多年都冇乜识外国女仔，有时冇讲出口，都觉得嘥咗个中学，大学就唔好咁辜负爸爸啰！”连谢安琪都踢爆仔仔：“我见佢有啲女同学都几靓女，佢同爸爸讲冇识到女仔呢……我就觉得有啲保留啦！”张继聪笑言一直在大爆儿子生活秘密，感到非常不好意思！

张继聪尽显前世情人本色　愿为女儿升学移民：做保安、总统保镳咁！

至于幼女kakaball，张继聪开玩笑指若女儿到外国升学，将会举家移民：“佢未必想同我住，咁我咪对面租间屋、每朝同佢挥手早晨咁！”更尽显前世情人本色保护女儿：“或者做保安、总统保镳咁，佢架车行，我喺侧边跑咁！”

周家怡驾驶意外　“阿May”医药费破万：破财挡灾啰！

另外影后卫诗雅与好姊妹周家怡亦于春茗接受传媒访问，两姊妹均留有一头清爽利落短发，撞发型十足“TWINS”一样！周家怡早前驾驶期间发生意外，受访时透露没有大碍：“我个人冇乜事，阿May就有事！阿May系我架车！”表示当时在隧道口，一辆汽车迎面而来、撞起冰淇淋筒上的黄灯、击中车头玻璃，周家怡忆述当时情况：“我睇住佢飞埋嚟，冇得避呀！撞爆咗我嘅车头灯！”透露阿May“医药费”破万，无奈指：“唯有当系破财挡灾啰！”

卫诗雅赞周家怡车技一流　暗寸兄弟陈家乐：我手车好过佢！

然而作为《恨驾女团》班主，周家怡笑言未有受惊：“我谂我有修行，我冇乜反应！佢撞埋嚟之后，我第一下反应‘哎呀！阴公啰！’咁咋！呢坛嘢冇仇报添！”但表示事后已报警，但没有汽车监视器之下，或许未能查找引起意外对方。卫诗雅表示未因事故怕坐周家怡的坐驾：“我觉得家怡手车好好，好过好多男艺人添！唔好讲边个啦、我坐得边个架车呀！（陈家乐？）佢手车危险嘅，我觉得我手车好过佢添！”