《香港国际影视展2026》今日（17/3）开幕，演员伍允龙出席香港电台活动时接受访问，提到他有份参与的《九龙城寨之围城》，即将开拍续集《终章》，可惜王九一角已经身亡，有缘参与，但都会主动到现场探班。“早几日都同剧组食饭，见到动作组都好开心。”但问到前传《龙头》可有已联络上？伍允龙就表示︰“我始终系演员，好多嘢都唔系好清楚，以我所知今次系集中拍《终章》先，之后先再谂。”不过都开心好朋友吴彦祖有份参与，亦强调必然会去探班打气。

今次活动是短剧剧本比赛，伍允龙都有跟朋友开公司创作剧本，手上亦已经有多个剧本。“揾得我都系有动作，剧本方面咩内容都会有，但主要都系用动作包装。”至于会否预女友李蔓莹（ Renee）参与？“因为我哋啲戏都系要打，第一样要谂都系武打演员，暂时未有安排，不过呢个提议几好。”是否唔舍得女友被畀打伤，所以不作安排？“如果请佢嚟，都唔会畀佢打，同埋任何人拍我啲戏都唔会被打伤。”

最近Renee亦推出写真散文集，晒出多张性感靓相做势，身为男友可有事前审视过，要批准才可见街？“佢影紧时都有畀我睇，大家都大人，识得处理。正如我拍动作片时，佢都会担心我会受伤，大家都识谂。”而早前女友在访问中提及如果要结婚，要待男友开口，伍允龙就脸带尴尬回应︰“系咩？佢有咁讲？一般女仔都会咁讲，好开心大家咁关心我。不过某些事都系想保持番少少私隐先，有改变时会话畀大家知。”