徐伟栋今晚（2日）出席电影《我们不是什么》世界首映，电影中他饰演一位“斯文的财务公司职员”，简称“收数佬”，他透露第一次在行驶中的巴士上演戏，很多时候都企不稳，结果不停NG，幸好邱礼涛导演多番鼓励。他指拍戏时只睇了自己部份的剧本，但很喜欢这套电影，对于成品非常期待。至于会否邀请绯闻女友姚子羚观看，他表示：“未呀，到时叫佢睇，我觉得呢套戏都几好睇，我自己都好钟意，因为开工嘅时候我净系得自己场戏嘅剧本，我都好期待入去睇吓套电影讲啲咩。”

姚子羚曾喊冤否认搭上富商：普通社交

早前《东周刊》指姚子羚“背徐伟栋夜蒲冧富商”，子羚都有喊冤，表明只是普通社交，指当晚只是和朋友共进晚餐，随后陪朋友去了匹克球活动场地，刚好与多年未见的老朋友Rocky碰面：“我哋都系𠮶晚先撞见返，咁多年都未见过，我冇同佢食过饭，亦都冇同佢一齐走，只系大家倾吓偈。”她补充说，Rocky当场向她介绍匹克球，她出于兴趣小试身手，不过也只是逗留了一会儿便离开。

徐伟栋称“情海翻波”属流言蜚语 见过报道中男子

活动上，徐伟栋被问起是否情海翻波时表示：“吓？情海翻波？咁犀利？点翻法呀？（记者：翻咗啦！）竟然系咁？𠮶啲流言蜚语。”记者续问二人是否情比金坚，他则说自己都不知道，要慢慢考证。讲到有否留意姚子羚与另一名男士打波，他坦言：“我知，咁大个封面点会睇唔到？好平常啫出去，唔明啲人睇杂志净系睇啲字，咁多图都唔睇清楚先，唔好尽信啲字。”他指曾在首映见过这名男士一两次，对于是否共同朋友，他只谓：“识啰。”

定义与姚子羚关系：99% loading

过往徐伟栋与姚子羚一时称了解中，一时称朋友，被问现时关系，徐伟栋说：“而家咩关系？都系朋友。（问：仲系唔系了解中呢个阶段？）了解咗好耐喇！（问：你都知！够了解啦？）有冇新啲嘅字去形容？我中文唔好，你教我。（问：英文都得㗎。）‘Liu-gai-jung’、understanding、researching、loading⋯（问：99%定100%呀？）99啦，100%就已经唔系Loading啦，completed啦！”

信任姚子羚心痛护花︰佢唔系贪慕虚荣嘅女仔

当问到睇完报道有否感到酸溜溜，他失笑谓：“冇，好好笑啰觉得，好平常，朋友出去玩啫。”至于是否信任子羚，他更是即时护花：“信，点会唔信啫？作为一个朋友，咁多年来大家都认识咗咁耐，佢唔系呢啲咁贪慕虚荣嘅女仔嚟嘅，佢哋咁样讲，都有啲唔系咁好。”而言谈间徐伟栋也不否认感到心痛，反问：“系？确认有心痛呀嘛？有冇良药可以止止佢先？咁样讲佢系人都会心痛啦，你都会心痛啦！”