江𤒹生（AK）、陈毅燊（ANSONBEAN）主演的电影《我们不是什么》昨晚（2日）举行世界首映，两位主角、谭耀文、梁雍婷、宝珮如、黄又南、朱天、林宣妤、专家Dickson、苏宸褕（灰熊）、李蕙敏、袁富华、骆振伟、车婉婉、麦沛东、徐伟栋同吴梓熙轮流介绍角色，而甘比、AK的MIRROR队友王智德（Alton）、陈瑞辉（Frankie）、杨乐文（Lokman）及ERROR何启华（Dee），还有好友萧子墨都有亲临撑场。

ANSONBEAN带外婆睇三级片　AK庆幸父母旅行避同场尴尬

AK和ANSONBEAN受访时都表现兴奋，想知现场观众反应，ANSONBEAN透露叫了爸爸、妈妈、婆婆和细佬撑场，由于今次有“BL”以及除剩底裤情节，被问可有向婆婆打定底畀心理准备，ANSONBEAN笑说：“ 我净系同佢讲系三级片啦，婆婆话三级片唔睇啦，我话得㗎喇，你睇啦，唔系唔俾面呀？”AK则透露父母恰巧去了旅行，之后补请他们再睇，总之不是同场就可以，此时ANSONBEAN才恍然大悟：“原来个问题喺同场𠮶度！”AK则说：“你鬼仔家庭，OK嘅！”

齐齐挨饿为除衫戏准备　ANSONBEAN极速搣甩一身爆肌

今次二人虽然有除衫戏，但角色并不需要操大只，AK指自己维持简单膳食就OK，ANSONBEAN谓：“我哋都系一齐挨饿。”AK则爆：“佢其实在瘦啲，因为佢原本接呢个戏之前佢系好鬼大只，真系由接到拍有冇短短一个月？（ANSONBEAN：少过一个月）佢系咁减，佢系咁减，每一次见佢瘦啲，开头佢会舍弃𠮶个肌肉，讲真都会唔舍得，好地地练咗咁大嚿返嚟，又要搣甩佢。”

激吻场口被形容为嘴部比武　AK爆有法式湿吻：有玩到条脷

戏中二人有接吻场口，ANSONBEAN认为跟拍打戏差不多，AK笑说：“只系今次比武嘅地方唔系拳脚，喺个嘴。”对于有否被对方“发”亲条脷，两人竟有不同记忆，AK说“有玩到”，但ANSONBEAN则问：“有伸脷咩？”AK则解释有接触到，但不是龙卷风式，而是法式，当记者叫即场示范，他则表示：“𠮶个系要付费收看㗎 ！你真系吖！如果有剧本我哋又再重遇，系唔介意㗎。”

AK派飞机榄宣传新歌　拒被叫叔叔预告Fan Meet有新方式

AK日前推出新歌《揽紧处理》，派飞机“榄”宣传去食字，他相信有部份年轻粉丝不知什么是飞机榄，就当趁机宣扬本土文化。问到有否被叫哥哥，他笑称：“哥哥都OK，有个叫叔叔简直系离谱，过分呀！点会系叔叔？哥哥OK，我可以接受到，但系叔叔，下次大家唔好喇。”而会否跟Fans举行抱抱大会，AK就视乎新歌反应，至于会否在粉丝见面会跟“生粉”（AK fans暱称）抱抱，他说：“嚟紧我嘅fan meet好似系五月，我都思考紧用咩形式，我会用自己方式去完成，希望到时大家会开心。”此外，ANSONBEAN亦跟J Jelly推出了新歌《人海 - REMIX》，歌中讯息亦跟电影有所对应，呼吁大家收听。

梁雍婷首跟前辈邱礼涛合作　大赞导演快狠准独力带住全场

而同场的骆振伟（Thor）、梁雍婷（Rachel）亦有分享拍摄趣事，饰演大肚婆的Rache说l过往都跟同代的导演合作居多，但邱礼涛导演是她一直想合作的前辈，即使今次戏份不多，但见识到对方在片场的快、狠、准，都跟以往拍摄经历很不同：“呢套戏有好多唔同嘅大场面，系港产片好耐冇见到，我亦都好有幸参与呢个制作。我记得𠮶日喺现场见到导演，要拍好多个show，然后要喺一个极浓缩嘅时间完成一个好大场面调动嘅戏，牵涉十几个演员、好多临时演员，你见到导演自己一个人好劲咁handle晒所有嘢，我系十分之佩服。”

骆振伟演同性恋者　与ANSONBEAN互喂食烟肺痛飙汗：系湿㗎

Thor今次饰演同性恋者，对他来说亦是一大突破，Rachel问他有否被自己造型吸引，他说：“好老实嘅，我试造型𠮶日导演都喺度，倾角色，因为我都系同性恋，大家都会倾点样演绎呢个同性恋呢一part，好多谢服装设计，佢一设计完套衫，已经话‘你行路都夹咗咯！’系啰，唔使啦，我真正见识咗咩叫服装带入咗个角色，即刻有feel，当然化妆上𠮶啲眼影系我人生中冇试过，对我嚟讲系一个好high嘅体验。”谈到与ANSONBEAN的床戏，他最深刻是“个肺有啲痛”，因为要一路食烟一路拍，互相喂食烟：“我哋好似秒速K.O.咗一包多嘅烟，但系个过程系温馨嘅，大家都知拍摄系熄冷气，冚住张被，其实系辛苦，系湿㗎！”Thor透露母亲很想看这套戏，但自己未跟对方打底，只告知是三级片，笑言：“阿妈……三级片……唔知呢？”

.

请按图睇更多演员阵容：