Lolly Talk成员陈纪澄（Tania）昨日（8日）出席由黄浩然、钟宏杰执导电影《厨师发办》首映，她於戏中饰演杨偲泳（Renci）的下属，亦是其首部参与的电影，故心情紧张，“呢个角色我记得佢系Top Sales，佢要有一啲啲擦Renci 鞋嘅，我记得𠮶阵时，系上两年嘅一个冬天嚟。𠮶阵我去到都好冻，但系因为𠮶幕，系要大家成队Team喺度Chit-chat嘅环境，我记得我哋就系，无论系Roll机定唔系Roll机呢，都keep住chit-chat嘅状态，咁就令到演嘅时候会更加自然啲，好似大家认识新朋友咁样嘅一个感觉啰。”她指自己有想演戏班，觉得演戏是了解自己、了解别人，人与人之间相处的一个好方法，很开心可以客串电影，也很期待入场观看成品。

自认传统宅女拒玩交友App　留起萤幕初吻等男神宋江

Tania是Lolly Talk第一个拍戏的成员，她又透露去年年尾再拍了另一套都是黄浩然导演的电影《爱情相对论》，相信明年会推出，而该片亦是她首次有爱情线。被问到萤幕初吻是否仍在，她笑说：“嗯，完全仲喺度嘅状态，系，等一个啱嘅时机，再畀大家睇。（问：边个系你嘅目标男神？）哗，男神呀？喺韩国㖞！”她思考了半响，再笑谓：“宋江！宋江！系咪有啲心心眼呀？（问：咁可能要拍Netflix。）少少目标、少少目标，继续学多啲嘢先！”讲到电影男主角卢镇业（小野）透过交友App认识不同女生再请食饭，Tania就表示自己冇玩过App，因为以前读女校、思想传统加上是宅女，因此都会觉得“唔好识人”。至于曾否被女同学追求，她以手势示意：“我系……直嘅，哈哈。”

亲解Lolly Talk合体进展　著粉丝密切期待推全新团歌

Lolly Talk 2月份出席活动时，宣布跟前公司已完约，将以独立形式发展，但否认解散。讲到Lolly Talk何时再合体，Tania说：“我自己都好期待，都好想我哋大家可以再合体。不过大家最近阿妹（黄敏荞）又有舞台剧啦，大家都有唔同嘅Show，我自己好期待我哋再出歌，咁暂时就可能唔同平台见到我哋多啲。”早前Sinnie在乐队晚安莉莉的活动上，漏口风叫大家“密切期待”，言语间似乎预告Lolly Talk或有新计划，Tania回应：“咁就要密切期待喇！都要等我哋再Firm咗再同大家讲，依家就逐个逐个见住我哋先。我见有啲‘波板糖’（Lolly Talk粉丝名）同我讲，可能星期一睇完阿妹、星期二去揾阿蛋（黄咏霖）、星期三又边个边个，今日就到我喇，所以头先都有啲系早嚟到有见到，都好开心可以再见到佢哋。”

派定心丸粉碎解散传闻　力证：Lolly Talk永远都系我哋八个

在2月份的饮品品牌活动上，Lolly Talk久违踏上舞台，感触得哭成泪人，有粉丝担心她们是要告别，亦有人流传因为之后碍于版权问题，她们不能再唱Lolly Talk的歌曲，Tania大派定心丸：“我哋𠮶日我喊系……真系好耐冇见大家（粉丝），咁又唱返一啲属于我哋嘅歌，然后大家又一齐合唱嘅𠮶个力量，我觉得系好感动啰。所以我系因为见到大家，所以我喊。而版权𠮶啲问题就……其实啲歌都系属于我哋嘅，永远Lolly Talk都系我哋八个人嘅，所以大家就唔好太担心。”至于这段时间可曾有其他公司曾接触Lolly Talk想签她们，她说：“我哋不嬲都系继续开放去倾好多唔同可能性嘅，不过喺倾嘅过程中都要自己准备下先啰，自己准备多啲先，我哋大家都准备紧。”Tania指自己很享受演戏，对挑战舞台剧、电影或剧集也十分期待，但最重大的目标还是“出团歌”，呼吁大家期待一下。

组限定170女团大骚逆天长腿　有意再合体拍Vlog倾少女心事

此外，Tania早前与Lolly Talk的阿妹、VIVA的Carina（李晞彤）及坂部佩莎组成限定的“170女团”，四人跳dance cover大骚长腿，深受网民喜爱，她笑说：“我今日著咗高嘅鞋，可能178（cm）喇！”她有意再跟她们合作拍片，就算是不跳舞而拍vlog都可以“我都觉得大家都好钟意分享嘅，成班女仔一齐倾计咁，可以睇下之后再约时间，拍多啲嘢畀大家睇。”