贺岁片《夜王》早前攻破1亿票房，截至昨日（8日）为止票房为$107,349,420，今日（9日）导演吴炜伦率领黄子华、郑秀文、廖子妤、卢镇业、何启华、杨偲泳（Renci）、谭旻萱、李芯駖、林熙彤去尖东派鱼蛋，更正式宣布将有162分钟的导演版（Director’s cut），30分钟吸睛场面即将出土，以及会有从未曝光的神秘嘉宾！外界对Renci先前被删走的性感镜头非常关心，被问如今是否会解封，导演就回应：“当然唔净止佢哋！”而子华更表示：“相信大家睇导演版唔会觉得系加咗啲嘢咁简单，会有另一部戏嘅感觉。”

与郑秀文落区派鱼蛋 黄子华：OK好食冇肚痛

吴炜伦跟“欢哥”黄子华与“V姐”郑秀文（Sammi）受访时，直言替欢哥开心，一言九鼎，说过请食鱼蛋就真的讲得到做得到，子华则指好彩有电影公司包底，不用自己揾鱼蛋：“同埋各位我真系试食过，都OK嘅，我试咗两粒，暂时冇肚痛。”Sammi今日亦破戒食多几粒。

2亿目标太遥远 导演未考虑开续集

活动上子华举起“V”字手势，问到是否以2亿票房为目标，子华：“我哋有V姐喺度呀嘛，你睇唔睇到个目标几咁遥远呀，有个梦想。”若真的能有2亿，子华就说会请食猪皮、萝卜、红肠大餐，又抛个波畀Sammi：“Sammi好似话攞两张飞出嚟，我哋撕成二千张派畀大家。”Sammi闻言即说：“再倾！”又指如果能邀请东日夜总会班底上启德舞台，一定会很开心。至于《夜王》会否开第二集，导演表示：“我就唔谂续篇嘅东西，如果大家再合作都系谂新故仔。”

导演版多30分钟 开场有从未曝光神秘嘉宾

《夜王》导演版将于4月16日上映，加了30分钟吸睛片段，讲到之前外界十分关心的杨偲泳（Renci）、何启华（Dee）性感亲热戏是否终于出土，导演预告：“阿Dee同Renci有加返落去导演版度，当然唔净止佢哋，其实欢哥V姐都有，大家未睇过嘅片段， Mandy（谭旻萱）、芯駖、Hazel（林熙彤），导演版多咗差唔多30分钟，仲有一位神秘人物从未出过场，今次都会喺导演版出现。”子华补充：“相信大家睇导演版唔会觉得系加咗啲嘢咁简单，会有另一部戏嘅感觉。”导演再叮嘱：“千祈唔可以唔睇Opening！因为Opening就系有𠮶位神秘嘉宾出现，而呢个神秘嘉宾系好好好重要，唔系出嚟斟杯茶咁简单，总之系另一套戏咁。奉劝各位有兴趣入场睇导演版，千祈唔好迟到！”

导演剧透三级尺度：有粗口同性感戏份

由于导演版是三级片，只限18岁以上人士观看，故揣测尺度是否很大，导演表示：“其实系三级，因为本身农历年个公演版真系好边缘，今次譬如某一啲粗口我哋有放返出嚟，当然有一啲比较性感嘅戏份，但系系咪去到好激烈好夸张？又唔系，我哋本身拍《夜王》都唔系色情片嘅方向。”Sammi直言目前已经为启德演唱会闭关，但导演版需要谢票她也必定配合：“由电影开拍到而家我都好配合，无一次唔配合！”子华笑说：“佢闭咗关㗎喇，今日都要求佢出嚟出关。（Sammi：咩求？你吩咐我出嚟！）我只系话，如果V姐出嚟就无敌喇！”