《第44届香港电影金像奖》今日（19／4）在香港文化中心举行，“最佳男配角”由杜德伟夺得，他在台上说：“多谢香港金像奖嘅评委团队认同我呢个角色，其实我已经好耐冇喺香港有电影嘅演出，今次呢个奖亦都系我入行41年，佢嘅意义系非凡。我要多谢《风林火山》嘅导演麦浚龙先生，佢写咗个咁精彩咁特别嘅角色畀我，多谢佢对我嘅信任。其实我系谂咗好多嘢讲，但依家咩都唔记得晒，仲有要多谢另一位系《风林火山》入边有份参与嘅演员，就系梁家辉先生。当我攞到呢个剧本第一时间去佢屋企，佢用一晚时间分享佢对角色嘅谂法同心得畀我，过程系非常精彩，我好想依家同大家分享，但系因为太长太精彩，如果有机会做一个专访，我会再同大家详细分享。最后我要多谢我嘅灵魂伴侣太太，同埋我都好乖仔AJ，你哋系我永远最强嘅后盾多谢大家。”