陈奕迅、冯德伦今晚（19日）为香港电影金像奖，担任《最佳原创电影歌曲》颁奖嘉宾，二人亦发挥了搅笑本色，期间陈奕迅更恶搞郭富城“一齐企硬唔take嘢”，当时冯德伦先问陈奕迅：“你都好耐冇拍广东片，你应该多啲支持香港电影？”

Eason即回：“其实我系……你听我讲，其实我系好钟意拍戏，因为一齐做嘢好开心。但系我做 tour，过去三年都系一路系咁。（咁你又咁得闲打网球？）你听我讲先，我打网球要 keep fit，keep 住个体重，如果唔系啲衫著唔落⋯⋯（Keep fit？我成日见到你喺个 club 度食嘢㖞）你听我讲！一齐企硬，支持香港电影！咁难得今晚有呢个机会，希望大家、在座嘅所有朋友同我一齐，我哋集气，结集力量，一齐做好吗？我哋要做一个……我有个好重嘅任，要做一个好盛嘅举呀！将会成为2026最潮嘅语，导演唔该，大家准备，一齐做，真系一齐做！萤光幕前面嘅朋友，千几万人，预备，action！听我讲，一齐企硬，支持香港电影！好，我哋成功咗！Keep 住呢个力量，多谢大家！”