昨日（19日）是一年一度《第44届香港电影金像奖》的日子，杜德伟夺得“最佳男配角”一奖，他在后台接受传媒访问时提及到得奖感受及他与梁家辉之间不为人知的往事。杜德伟先分享得奖感受：“其实我入行已经41年喇，真系冇试过咁紧张，好耐冇试过咁紧张。可能因为电影呢样嘢对我嚟讲，系我音乐以外比较陌生嘅范围。其实我想同大家分享一件事，就系我喺2003年嘅时候，曾经同吴孟达（达哥）合作咗一套电影，拍咗两个半月，我同佢朝夕相对，可以话系朝夕相对。𠮶阵我对演戏嘅执著同睇法有咗深刻嘅改变。”

杜德伟多谢达哥启发

杜德伟分享到当时吴孟达（达哥）送了一本书予他：“𠮶本书叫《角色的诞生》，就系《喜剧之王》入面讲嘅𠮶位喜剧大师史丹尼斯拉夫斯基讲嘅由内至外嘅理论。”他笑指原来真的有这一本书，回家后亦把这本书看完：“先发觉原来我喺2003年之前，完全唔知道点样先算系一个演员。所以我要多谢达哥，佢启发咗我。由2003年之后，我每做一个戏，都尽量做到一个称职嘅演员应该做嘅嘢。其实我喺香港好耐冇拍戏，差唔多20年。今次呢个奖，系我返嚟香港拍戏第一个奖，加上我自己好认真想做好一个演员，我觉得呢个奖对我嚟讲意义非凡。”

杜德伟提及到梁家辉也曾经帮助过

另外提及到梁家辉也曾经帮助过他，杜德伟毫不掩饰表示“系”，他说到当时第一次拿到《风林火山》的剧本，得知道梁家辉亦有份参与：“佢用咗一晚时间，分享咗佢对李文迪呢个角色嘅心得同睇法。我觉得最精彩嘅系，佢攞咗一场戏出嚟，系最难演𠮶场戏，佢用咗大约四至五个唔同嘅演绎方法去演绎，节奏、情感、心理全部都唔同。佢仲要谂好，张台摆喺边，相挂喺边，然后李文迪坐喺边，呢啲全部都系佢自己虚构嘅。唔知你可唔可以想像𠮶种震撼？当时我坐喺度，睇住影帝近距离发挥，我自己即将演嘅角色，用咁多唔同方法，我觉得系一个好震撼嘅经验。”杜德伟继续表示当时他“呆咗”，但是梁家辉示范后便向他说：“好，孖生细佬你演一次啦！”可是当时杜德伟“连对白都未记得晒”，所以觉得有这个经验很难忘。