《第四十四届香港电影金像奖》昨晚（19/4）顺利举行，一向有衣着品味的陈法拉，去年与张家辉担任金像奖颁奖嘉宾，兼为电影《赎梦》落力宣传。高贵衣着气质，令法拉成为去年的“最佳衣着奖”女得奖者。而陈法拉今年凭电影《赎梦》纪慧玲一角，角逐今届金像奖“最佳女主角”奖，是她入行以来，首度入围香港电影金像奖。

陈法拉是次将穿著一袭白色丝缎长连身裙，为 CHANEL 2026 春夏系列第 52 套造型，并配搭 CHANEL 鞋履，这套造型由艺术总监 Matthieu Blazy 设计，展现优雅与自信地现身金像奖。对于选择服装及珠宝的要求，法拉说：“我觉得拣衫同珠宝都系缘份，同一个好嘅角色和啱自己嘅角色，同埋生命中嘅人和事都一样，其实都系撞，碰到就有缘份。我觉得今次嘅衫同珠宝都好啱我嘅心情，比较淡定、优雅和简单，都系做返自己，有法拉自己本身嘅energy喺度。”

法拉感恩，相隔十年没有在港拍港产片，第一次返香港拍电影就有提名，她说：“感觉观众冇忘记法拉，同埋业内嘅同事、行家们对我嘅支持和鼓励，我都好感动，今次返嚟香港参加金像奖好开心，觉得好似一个行业内嘅聚会，会见到好多相熟嘅同事、朋友们，然后大家聚首一堂去庆祝电影，所以很期待参与。”

法拉获提名“最佳女主角”，导演张家辉亦戥她开心，“佢有恭喜我，我都恭喜返佢，因为电影《赎梦》系佢心血，系佢BB嚟嘅，无论由角色到创作、制作、演绎和拍摄，包括我这个角色嘅所有构思，都系佢嘅，所以我好多谢佢，能够凭呢个角色提到提名，完全系佢创作嘅。”

张家辉问过有冇兴趣再合作

法拉透露张家辉有问过她有冇兴趣再合作，法拉说：“我唔知佢系咪谂紧拍《赎梦2》，我哋两个演夫妻嘅角色，定系佢有新构思，其实我都好期待佢拍喜剧，我都好想做喜剧，其实我系有信心做到喜剧嘅角色，只系冇人揾我，所以希望可以同张家辉演喜剧。今次嘅角色（纪慧玲）够唔够癫？又唔可以话够唔够，今次嘅角色喺佢嘅世界嚟讲，系唔觉得自己癫，佢系做紧佢自己正常做嘅嘢，所以出发点唔系演癫嘅状态，而系演佢扭曲咗嘅逻辑，同埋每一个moment佢需要做嘅事。今次同我以往演嘅角色系好唔同，反而我觉得演嘅时候，好自然和享受，但我觉得我嘅赤度可以再大啲，未必系癫，赤度幅度再大啲，我系好欢迎嘅。”

对于未来的工作安排，法拉表示两星期后会入剧组，在欧洲拍摄一部电影，导演和演员都是从未合作过，十分期待，法拉说：“部戏都有少少动作戏，系新尝试，自己都好期待。”她称想拍喜剧外，亦想做导演工作，因为很享受做导演的岗位，“我啱啱完成了自己部短片嘅后期，嚟紧会根据呢个短片，发展成为长嘅电影，希望未来演员和导演两个角色都会继续做。”