康乐及文化事务署 (康文署) 香港电影资料馆 (资料馆) 于4月推出“奇幻电影之旅”放映节目，与观众一同投入光影世界，展开奇幻之旅。放映节目为“香港流行文化节2026”及资料馆二十五周年志庆节目，由《撞到正》(1980) (4K数码修复版) 在昨晚 (25日)于香港文化中心大剧院举行的全球首映揭开序幕，惊喜现身的监制兼演员萧芳芳、导演许鞍华、副导关锦鹏、演员刘天兰、艺术指导李乐诗博士，大家聚首一堂在大剧院内分享当日拍摄时的种种逸事。

萧芳芳一出场先向现场观众送上飞吻，“多谢你们鼓掌，今日我觉得好幸福，46年前我哋拍嘅呢部戏，今日有机会喺呢度做首映礼，因为杨凡导演先至有呢个机会，亦都要多谢电影资料馆，我好感激佢哋修复咗呢部戏，我谂呢部戏修复咗之后会好好睇。要多谢导演阿Ann，多谢Tina，多谢李乐诗，多谢阿关，多谢莲姐帮我哋化妆，系度套戏好似得咗奖咁，最后一句，我祝大家身体健康，日日都快乐，唔阻大家睇戏。”

许鞍华忆述说：“今时今日再睇呢部戏都唔会觉得闷，因为佢嘅节奏好快，同埋佢系一部惊悚喜剧，所以你睇嘅时候有时会惊惊哋，有时又觉得好好笑。呢套戏嘅构思系当时系相当前卫，当时唔兴笑片沟恐怖片，但而家嘅电影又好兴沟埋唔同类型。呢部戏其实系芳芳谂出嚟，佢初头同我讲拍一出喺戏班嘅鬼片，我以为要拍好惊嘅内容，但芳芳话唔好拍到咁惊，如果唔系家庭观众就唔啱睇。”“果阵时我哋做资料搜集比较快，一问够料就拍，由资料搜集到写剧本唔超过6个月，果阵都唔兴手机录低啲料，所有资料全部记系个脑度。闗锦鹏做呢部戏嘅副导，我哋两个人谂嘢嘅方法都好近，所以我一谂一讲佢就即刻知我想要啲乜嘢，但系如果果个人同你嘅谂法唔同，咁你要解释比佢听佢先识做，所以我觉得我非常之幸运。”

关锦鹏说：“我好开心可以跟许鞍华导演做佢嘅副导演，因为喺佢身上我学到太多嘢，我印象中许鞍华导演好少系拍摄现场闹人，作为导演佢会好知道喺镜头里面嘅需要，所以佢会提佢嘅副导演点样摆背景后面嘅临时演员，又或者系连戏嘅导具。我第一次同佢合作，从佢嘅教导我更加知道副导演要做啲咩嘢，所以之后我变成一个几抢手嘅副导演。果阵时芳芳姐同B哥哥已经系非常红嘅演员，我细个住嘅地方隔离就系戏院，我好钟意睇陈宝珠同萧芳芳嘅《彩色青春》同《紫色风雨夜》，所以第一次帮许鞍华做副导演就可以同芳芳姐合作，再加上B哥哥亦都系一个好红嘅歌手，待人亦都好友善，所以喺现场我当然系好尽责地做好副导演嘅工作，但系我亦好似一个影迷咁系镜头后面睇住佢哋表演。”李乐诗分享说：“细个嘅时候父母成日带我去睇戏，我就好熟个背景，所以佢哋话做同戏班有关嘅戏邀请我做美指，我二话不说就话可以做。芳芳姐嘅造型唔须要特别谂，因为佢系可以放系任何角色度，我对佢嘅化妆，服装同埋动作都好了解，所以冇乜困难。”

刘天兰在台上说：“呢部戏令我哋大家认识咗46年，我嘅感觉系46年前我系一个靓妹，有幸可以参与呢个团队，一部拍咗8个月嘅戏，亦开启咗我对电影嘅钟爱，我跟住返加拿大再读电影都系因为《撞到㠪》。”导演杨凡以特别嘉宾出场给芳芳姐献花；“头先我喺入面听到芳芳多谢呢个，多谢果个，其实我哋大家要多谢芳芳，因为佢又主演又投资，做出一套咁好嘅电影，呢套戏1980年上画果阵我唔系香港，后来我睇返真系觉得好特别，我觉得有8个字可以去影容芳芳，就系《无可取代，影坛宗师》。”