由姜皓文（黑哥）主演的马来西亚电影《蛊降》，今晚（27/5）举行首映，电影在马来西亚荣登史上最高票房的本土恐怖中文片。对于在当地票房大收，黑哥都表示兴奋︰“当地而家都少呢种题材，香港更少，三级就更加少，能够上到画都好开心。入面啲三级场面真系要睇，各人口味不同，我顶得住，我化妆师就话唔得！都几冲击眼球。”（电影现已上画）

今次拍摄前，黑哥要有两件事情要准备，首先是要见降头师，了解降头是甚么一回事。“降头唔一定系害人，都可以帮人，最主要跟师父学手势同程序，师父都带一啲中过降头嘅人，同我哋分享经历。”而另一件就是学泰文︰“因为有泰文对白，极难！我语言天份系极差，泰文就更加差，唔系去多几次泰国就识，今次都专登去学。”

拍摄时一直闻到怪味︰“师父一嚟到，阵味就冇咗”

至于跟师父学习时，都有些奇异经历。黑哥︰“有个师父带埋佢养的‘小朋友’出嚟，同我哋见面倾偈。”至于拍摄时，有一场极阴森的场面，就令黑哥非常难忘︰“我哋有一场戏，在荒废的空地拍摄，拍摄施降时的步骤，现场所有法器都是真的，所以个场面都几震撼，而且现场不时会闻到阵阵奇怪的味道，好难闻。但又好奇怪，到第三日师父一嚟到，阵味就冇咗，仲变咗阵阵花香，我有问师父点解，佢冇答我。”对降头有深入了解后，日后去东南亚旅行会否有所警剔？“以前去东南亚工作已经会，好似会执番啲头发呀，唔会周围剪指甲，行开咗杯茶就唔好再饮咁。”