首届《Hong Kong Comic Con》一连三日正在进行中，不少全新创作都在会场上正式公布，昨日（30/5）就到《无名指》导演孔令政执导，李佳芯（Ali）、魏浚笙（Jeffrey）声演的港产动画《无涯之约》举行发布会，分别公布李佳芯声演16岁的少女主角五月，而魏浚笙就声演身手不凡的灾难应变部指挥官阎歌。

会上播出动画《无涯之约》首集的片段，而该动画会推出一共12集，第一集会以电影模式在戏院上映，随后会继续发展成IP，有机会推出真人版电影、玩具、漫画等产品。今次是Ali与Jeffrey首次看到完成后期的预告，Ali大赞超越港产水准。“呢个版本多咗好多声效，中间又加咗啲剪接位同画面，感觉好震撼，有种唔似本地制作的感觉。”

Ali寻找16岁声线　Jeffrey盛赞对方演真人版都冇问题

今次要声演一个16岁的少女角色，Ali都觉得有一定难度。“配16岁把声，绝对唔可以用平日把声，但又唔可以刻意扮细路声，自己做观众睇配音版时，太作状的声都会令自己好出戏，所以我要保留真实性，又要代入角色有打斗、闹人的情绪。其实我一直觉得配音系难过做戏，做戏有表情可以知道个力度去到边，但单单声线，系要用多好多倍力度去演绎。”问到Jeffrey可有难度，他又一贯中二病发作︰“最困难地方系……冇嘅，只要享受配音角色，当你好投入个角色时，其实系好正，好好幻想自己是戏中人物。”

导演孔令政在台上表示，如果动画受欢迎，会朝住向真人版电影制作进发，更可考虑找回声演的演员饰演戏中角色。问到Ali有冇信心演二八年华的少女？Ali︰“导演系咪真系会揾番我先？可能到时揾番个真系16岁嘅演员。”Ali随即将个波交畀Jeffrey︰“你有信心演打戏？”冷不防Jeffrey一下回传︰“我打系OK嘅，咁16岁𠮶个系几……（Ali︰棘手嘛？）唔棘手，直情系得添啦，使乜谂啫，直头系佢啦！”Ali都笑言现在AI好方便，自己亦都演过AI机械人，大家接受到就可以。”

《悠长假期》8月开工　Jeffrey拒答Ali同吕爵安衬唔衬？

此外，问到港版《悠长假期》何时开工？Ali表示大约8、9月便开拍，大家都已经有坐低见面，亦开始订实故事大纲，著手去写剧本。“主要倾好个角色设定，只要个基础打得好，之后所有嘢都容易啲行。我自己都好钟意套剧，重播我都有翻睇。”

问到Jeffrey可有期待︰“今次好开心可以做观众呀，等佢拍完就可以一齐睇个港版《悠长假期》。”但当记者问到觉得Ali同吕爵安衬唔衬？Jeffrey突然有口难言，依依哦哦咗几秒，Ali都立即扮行开︰“你可以随便答！”但Jeffrey依然未有正面回应︰“其实今日系《无涯之约》宣传，嚟到Comic Con我好开心啦，今次女主角就系Ali……哎呀！你拍得就开心啦，呢啲问题唔好交畀我。”到Ali企番埋位后，记者就要她表态觉得Jeffrey同Edan边个靓仔啲？今次到Ali游花园︰“不如讲番《无涯之约》啦……哈哈……”大家不了了之。