1988年上画的电影《童党》，近日在影艺戏院举行的《Images of Generation》放映专题中重映，目标是以强烈的纪实影像，带领观众穿梭于80至90年代的少年城市边缘。而由刘国昌导演的《童党》，就是活动第一部登场作，昨日（6/6）在九龙湾Megabox举行放映会，会上更是放映35mm 菲林版本，原汁原味。除了导演及副导演叶剑峰，联同演员谢伟杰（小妖）、王忠巡 （细强）、谭建成 （护髪素）一齐出席。

3000人中选9位年轻演员　尖东海傍溜冰场Disco流连

在映后分享会上，观众先问起选角时遇到的问题，叶剑峰表示当年导演坚持戏中的9位童党成员，要全数用新人演出，当时刚大学毕业，初踏影圈的叶剑峰，第一个任务就是要去找这批演员。“当时盲摸摸唔知点揾，于是去最多年轻人流连的地方，尖东、Disco、溜冰场等，都系硬住头皮走去问佢哋有冇兴趣拍戏？起初都成日畀人凶我，又用好多黑社会用语大我，我都系扮听得明。前前后后花了大半年时间，约见过3000位演员先集齐，小妖都系喺尖东揾番嚟。”

有剧本但唔畀睇　小妖︰用17岁的反应带落角色

据小妖讲，当时自己只得17岁，在尖东海傍跳霹雳舞，就被副导演睇中问有冇兴趣拍戏。“我个人烂玩，咩都唔惊，你叫我做乜就做，所以咪去拍下。”导演刘国昌表示，开拍时电影已有完整剧本，但拍摄前一直唔畀演员睇，理由就是不要大家去到片场，一字一句地读对白。“我想佢哋带畀角色及电影一份真实性，只要知道情节系乜，就凭自己的谂法去演，所以佢哋都系主创的一部分，同佢哋相处对话，畀到好多资料我哋，知道年轻人喺呢个状况点处理。”

小妖补充︰“佢叫我用17岁的反应带落角色，唔使理个剧本自己去发挥，我全程都系咁去做。当时大家都未满18岁，签约仲要阿爸阿妈签。”

初剪版长3小时　菲林遗失难推加长版

另一演员王忠巡，在戏中饰演“细强”，他是团队中最年轻一人，拍摄时只得13岁。“我当时都好昏迷，唔知发生咩事，导演叫我做乜就做乜，自己都系屋邨长大，住七层大厦，邨内见过唔少恶行，所以都是凭记忆演出嚟。埋位前副导演都会帮我哋试戏，但我哋唔钟意，要做番自己嘅版本畀导演睇。”

据演员谭建成 （护髪素）讲，电影的初剪被长约3小时，但最终要求上以90分钟左右上画，所以好多情节都被逼剪走。包拮点解我个名叫“护花素”，其实本身有拍到一幕，讲我喺发型屋做学徒。”导演刘国昌都有向电影公司询问可有剪后的原片菲林，不过大部分都已遗失，难再重见天日。

甄子丹出任武指　部分场面被列为三级？

《童党》电影在1988年上画时，未有三级制，今次重映过电检时，就被评为三级，副导演叶剑峰相信，跟新版加长了入会仪式有关。至于会否跟戏中的劈友场面有关？导演刘国昌表示不太清楚，但就结局那场大厮杀反而有故事分享。“我哋原先剧本冇阿爸为救仔牺牲呢幕，系制作公司同监制要求，希望结尾有番啲动作场面，帮助卖埠，而家睇番个故仔都觉得夹硬嚟。不过大家又知唔知，套戏其中一位武术指导叫Donnie，就系而家嘅国际巨星甄子丹，当时佢都系刚刚从海地回港，差不多系第一部做武指嘅戏。”