《火遮眼》（The Furious），一部由香港制作，集合亚洲各地动作片高手的电影，由《九龙城寨之围城》金像奖最佳动作设计谷垣健治（Kenji）执导，集合各地高手于一片。中国动作影星谢苗、印尼柔道高手乔塔斯利姆、荷里活动作特技武师黎唯（Brian Le）、日本动作演员岩永丞威、以及印尼武术家雅彦鲁伊安主演。电影安排先在海外公演，获得极好口碑，本月12日强势回家，香港上映。《香港01》找来导演谷垣健治接受访问，一位因为沉迷香港动作电影，而只身来港的日本人，多年努力后在香港成名，凯旋回日播下动作种子，今次更肩负远征海外的责任，以一口不纯正的广东话，为香港打出最地道的成就。

入戏院睇港片学功夫　“呢班傻人长大咗走去拍戏”

谷垣健治第一位的武术师父，是同样在香港影坛闯出名堂的仓田保昭先生。不过要数真真正正第一位师父，应该是成龙！但不是亲自教授，而是透过银幕去学打“醉拳”、“蛇形刁手”。“细个钟意睇香港电影学功夫，我睇《蛇形刁手》（1978），会约埋几个同学一齐入戏院，目的系睇开场红色布幕耍那段功夫，一人负责记一段，因为当时未有录影带，你就得一次机会，每人记一部分出去耍番出嚟一齐学。”

《师弟出马》（1980），《点止功夫咁简单》（一招半式闯江湖，　1978）、《蛇鹤八步》（1978），部部都学一遍，练到未能贯通便去正式拜师。“好多香港人可能觉得我哋好傻仔，不过真系好多呢啲人，睇电影学功夫，唔知世界上有吊威也，唔知会搞格数加速，一直死练。而呢班傻人长大咗走去拍戏。”学完功夫，再睇埋《英雄本色》学广东话，一句︰“真系估唔到香港嘅夜景原来系咁靓，咁靓嘅嘢，一下就无晒。”就是谷垣健治学广东话的入门。

“有才华嘅唔一定勤力，但勤力嘅人就一定好勤力”

练武可以继续在日本练，但拍动作片，谷垣健治深明只有跟香港一套才是最顶级。“香港动作片系别树一格，例如我师父仓田保昭，拍香港电影时好劲，好好睇，但返日本拍戏呢，出来效果就冇咁好，明明同一个演员，就系有分别，令我感觉到香港电影系有份秘诀，决心要嚟香港学习。”

谷垣健治来港由低做起，临记、替身、场务统统做过，不晓广东话，英文更加不济，被人问候少不免，但谷垣不介意︰“畀人闹你先学得快。”将勤补拙正是他的左右铬。“好多人都话Kenji好勤力，冇乜人讲我好叻、好有天才，欣赏我的都是因为我勤力。即是有才华嘅唔一定勤力，但勤力嘅人就一定好勤力，当你畀机会佢时，佢一定会更加勤力去做，出来好唔好唔知，第一次可能唔够好，第二次好啲，第三次就会好好。”最简单一样是守时，因为别人迟到时就显得你尊重工作，勤力。“我成日惊自己做得唔好，更加唔想因为未做好准备功夫，最终拍出来唔够好令自己后悔。”

甄子丹的极限思维︰空中踢到三脚，点解踢五脚唔得？

吸收得最快的日子，是甄子丹开公司拍戏，谷垣健治跟随去做帮手，由于人手不足一人身兼多职，整个制作流程就是日以继夜，夜以继日地高速累积。谷垣健治对自己已经要求高，但甄子丹对他的要求又是"Another Level Shit"“即系当我空中踢到三脚时，已经好厉害，但佢会问你点解踢五脚唔得？喺佢世界就系有呢种思维，呢个系成长机会，最终你会因为咁而踢到第四脚。”

至于甄生是否钟意闹人？谷垣健治觉得甄生从来是对事不对人，对电影成果好有要求，火气无疑会大一点。到自己做导演，Kenji就会尽量赞，尽可能都不去骂人，除了一次。“当时拍《肥龙过江》，因为要日本、香港、深圳三地走，制作上比较复杂，人会比较易有情绪，有一次我都唔记得因咩事发脾气，喺片场大闹︰‘我今日乜X都唔做，你哋自己拍！’”向来好好先生的他，竟大发雷霆，足见事态严重。“点知𠮶日拍得好顺利，仲要拍得好好，原来我先系阻住个地球住𠮶个！即系一直都以为佢哋做得唔够好，我自己做埋啦，但其实佢哋都做得好好，要学习相信身边的伙伴。”