电影《一个部门的诞生》昨晚（6月14日）举行谢票场，导演麦天枢、白只、梁雍婷、谢咏欣、伍咏诗、苏宸褕（灰熊）、徐伟栋都有出席。港产片拣在这个时候上映，面对各部大片，实在可称是“夹缝中生存”。

坦承忧心沦“炮灰”

白只接受传媒访问时，也表示了有些无奈。“都系，如果观众冇乜反应嘅话，我哋好正常应该都系炮灰。我哋畀心机拍，拍得好唔好，然之后观众钟唔钟意，完全唔系成正比，所以希望观众会喜欢啦。”

演绎打工仔“准时收工”

电影《一个部门的诞生》讲述一名市民为求解除电视台月费合约而挟持人质，从而侧写现代服务机构运作中的荒诞现象。讲到cut台的内容，白只表示自己未曾有过“想cut台又cut唔到”的经验。“我都想平反一下，我唔系做𠮶只想早收工嘅CS，系想准时收工，大部分香港人都系咁。做好本分，老细要我做嘅嘢就够，唔好做多。（做演员都系想准时收工？）唔知㖞，譬如你做演员，有阵时系觉得点解搞咁耐，到底搞紧啲乜，但系⋯⋯你有一样嘢，你系想lam埋等𠮶个过程，因为𠮶阵时你完全relax，导演闹人系唔会闹你，你终于可以睇吓佢拍紧啲乜嘢。（食花生？）食花生，学习吓都好。”

与陈奕迅、林熙蕾同场超兴奋

访问中，白只也表示电影《不得不好死》在冰岛拍摄的环节已完成，并对与陈奕迅、朱茵及林熙蕾同戏感到十分兴奋。“好开心，因为有Eason，大师姐朱茵⋯⋯（有几个女神㖞）仲有林熙蕾小姐。我相信好多香港观众系会好开心，我自己都好开心，开心到有阵时喺片场，导演有阵时都会讲：‘可唔可以专心啲？’我系做阿Jer嘅朋友，所以都有同场机会，但系最正𠮶个位系，我冇乜对手戏，所以咪可以企喺度睇。Eason㖞，有时佢休息紧，无端端会哼一粒音，然后我哋成班演员：‘哗，天籁呀！’”