迪士尼X彼思动画《反斗奇兵5》（Toy Story 5），今日（20/6）在香港迪士尼乐园举行首映，邀请了多位嘉宾出席，当中包括江嘉敏。自从离开TVB后，江嘉敏一直自由身，自己处理工作，虽然都已习惯，但都挂住有大公司照顾的日子。“当时只要走出来工作，咩都唔使理，但自己接Job，有好多嘢要处理，要夹期，著咩衫，尤其睇合约先头痛，试过撞板，出来工作的情况跟合约有出入。”

眼见江嘉敏比以前消瘦一点，问到是否正努力减肥？“一直都减紧，终身事业嚟，我觉得可以再瘦啲，上镜会好睇啲。”她更透露早前有公司见到她在IG公开穿比坚尼相，问她可否穿比坚尼卖减肥机广告？但最终都是拒绝了。“影相我可以就个最靓角度畀大家睇，但拍广告就唔可以，要再努力啲。”至于现时收入情况，她亦谦称够交租。

近日娱圈掀起一片爆料潮，踢爆有哪位艺人曾经欺凌人，其中龚嘉欣更被指双面人，跟对方合作过数部剧的江嘉敏，又觉得对方如何？“好奇怪，我系同佢合作过几部剧，但就冇乜对手戏，呢个我就唔特别回应。”至于问到可有在片场被人虾？“畀人虾？我讲声咁大声边个会虾我，有都吓走咗啦，如果有我都会记得嘅！”