由陈咏燊（Sunny）导演策展、张蚊担任美术总监的“拍住上—光影里并肩驰骋的我们”开幕酒会昨晚（22日）举行，古天乐、钱嘉乐及多位影坛台前幕后朋友支持。Sunny分享今次主题“拍住上”，是向八套关于“香港拍档”的电影致敬，包括：《黑玫瑰》、《最佳拍档》、《纵横四海》、《警察故事III超级警察》、《特警新人类》、《宝贝计划》、《盲探》以及《临时劫案》，他说：“希望大家睇完呢几套戏嘅场景，同埋我哋向佢致敬嘅过程之后，可以重拾返，其实我哋香港嘅精神就系我哋互撑，互相揾到拍档，揾到好嘅partner去迎接未来！”

八套电影中Sunny最钟情《最佳拍档》，因为他是许冠杰的超忠实fans，小时候已很喜欢这个系列，认为很有想像空间，一直希望有朝一日可以向这系列致敬；而张蚊则喜欢《纵横四海》，觉得非常浪漫。她又补充：“我今日发现原来我最大感觉系最旧𠮶几部戏，《92黑玫瑰》细个系好钟意，笑到黐咗线，而家突然间觉得好似我扮返一个7、80年代嘅美指去再重新设计佢哋嘅场景，我就自己好暗爽。”

张蚊透露今次的展品99%都是重做，过程非常享受，而Sunny就特别提到：“我哋最主要嘅唔系有个好靓嘅场景俾人打卡，系最主要系Storytelling，入面都系重演之余，亦都有另一个层面嘅创作。”他尤其感谢几个单位借出珍贵道具，先是刘伟强导演借出三把《风云》的刀，包括郑伊健用过的雪饮狂刀、亦有古天乐及罗浩铭分别借出《明日战记》及《触电》的道具，弥足珍贵！

问到有否邀请这八套电影的相关单位来参观，Sunny指有部份人要工作，亦有部份前辈他未敢打扰，不过他就抱著“博一博”心态诚意邀请偶像许冠杰，起初他不敢找对方，幸得郑丹瑞及萧潮顺先生帮手牵线，他说：“我问萧生，佢话其实阿Sam而家真系好少做访问㗎喇，我已经谂住打退堂鼓，点知佢就话‘但系阿Sam有时如果真系好钟意一样嘢，佢可能都会自己拍条片俾佢。’例如佢早排为咗老师都唱一只歌，我话‘吓？’我嘅厚颜就嚟，‘唔知可唔可以问吓阿Sam，可唔可以为我哋唱只《最佳拍档》呢？’”Sunny非常紧张，结果收到消息指阿Sam答应了，几日后他就收到一条连结，Sunny续说：“通常对最好神圣嘅嘢，就唔可以乱嚟，喺条街度我唔会用个手机睇，我就返屋企，夜晚全世界瞓晒，叫埋我太太坐喺旁边，开好晒喇叭，喺个电脑度，揿条link出嚟！我一开就系‘Hello，大家好，我系阿Sam！’我已经眼湿湿，跟住佢讲完佢对《最佳拍档》嘅回忆之后，就送咗自弹自唱《最佳拍档》俾我，我一路睇一路眼泪系咁流！我太太喺旁边话‘唔好咁啦，唔好咁啦。’我话‘阿Sam呀！’阿Sam每一个演唱会我都睇㗎，我系会冲去第一行握手𠮶种嚟，所以系好遥远嘅偶像，但系佢为咗我哋而用咗一个时间去唱一只歌俾我哋呢个展览，系非常感动！多谢许冠杰先生，衷心感激！”连张蚊都笑言：“佢好激动咁样send message俾个团队，喊住，我话做乜事呀？”

近日张蚊忙于拍摄自己首次执导的剧情长片《不得不好死》，她都有问Sunny意见，电影由柳应廷（Jer）做主角，跟陈奕迅（Eason）演两父子，而现实中Eason是阿Jer的偶像，张蚊表示事前完全不知道：“其实我唔知系佢偶像，决定咗，跟住佢先好唔知点咁样同我讲，好相信唔到咁样。”她赞阿Jer的表现是“Unexpected嘅叻”，相信观众睇完都会受打动，不过阿Jer面对于偶像亦显然有点紧张，张蚊就指Eason有主动撩他聊天，多点相处。至于为何能请到多年冇拍戏的Eason参与今次电影，张蚊说：“系啰，就系好似佢咁啰，试吓啰，我冇谂过得，跟住又得啰。（记者：一口答应？）算唔算呢？都唔系一口嘅，几个电话咁啰。”她更大爆Eason在现场又唱歌又讲嘢，要roll机才识停下来。至于会否叫Eason与阿Jer“父子档”唱主题曲，张蚊笑言：“我唔知㖞，其实想问好耐，但系我唔敢问，点问呀？”之后她计划等阿Jer去问。

此外，电影更有两大女神林熙蕾、朱茵参与，她透露因为自己喜欢二人，所以都是抱著一试无妨的心态去邀请看看，问到两位是否收友情价，张蚊说：“我首部剧情片，你哋知几钱㗎嘛，我又要贪心去冰岛，点会有钱呢？所以佢哋真系好爱香港电影同好支持香港电影，我好幸福！”上映日期方面，张蚊暂时未知，不过她希望先带电影去参加不同影展，再决定何时上映。