由邱礼涛执导的电影《复仇的人》改编自香港华文推理殿堂级作家陈浩基的著名小说《网内人》，近日电影正在开拍中，昨日（13日）举行传媒探班，刘青云、周家怡、邓涛接受访问，青云透露今次角色要在网络调查奇奇怪怪的事，他解释接拍原因：“因为我觉得呢个故事系现今社会成日发生，一个复仇嘅人，喺网上面好多欺凌，好多年青人或者睇到一啲好唔开心嘅消息之后，会自暴自弃甚至做一啲好傻嘅事，我觉得呢个系全世界都发生。呢部戏咁啱系讲一件咁嘅事，会唔会用一个客观嘅睇法去睇吓点解呢？其实全世界人都系咁，我觉得依个就系一个咁样嘅客观嘅角度，讲一件咁嘅case，呢个case未必真系发生过，但系绝对有类似事件发生系呢个世界，我觉得呢个系几值得去做嘅事。”他又表示校园暴力比想像中严重，尤其有部份国家可以带枪就更加危险，他希望透过电影为大家带来一些客观想法。

青云自爆唔识打字　睇电子剧本冇文字味故手抄重要台词

青云表示自己在现实生活中上网时间不多，主要处理文书工作为主，更不懂打字：“我有学过打字，但系我学打字嘅时候大概系16岁，𠮶时系用打字机。”他透露现时连收剧本都是用电话，直言：“你开个电话咁样睇，完全冇咗纸嘅味道，书又系，而家睇电子书，你系完全唔觉得啲文字有味道，但系佢最大好处就系可以将啲文字放大。（记者：使唔使print剧本出嚟？）我多数唔会print出嚟，我会将某一部份重要嘅台词用手写一次。”

周家怡椎间盘裂开住院两日　指无法修复至原本状态

周家怡在戏中饰演老师，邓涛则饰演因妹妹出事而找青云求助的人，首日开工即要揸车接载青云，笑言让对方感受自己的驾驶技术。家怡早前因拍电影《妈样年华》苦练钢管舞导致骨裂，但原来近日又因为做运动整伤椎间盘，她说：“啱啱有做运动整亲椎间盘，裂咗，好痛，入咗医院都行唔到，住咗两日院。原来系椎间盘系冇得好，佢系话裂咗就只能够点都系有条裂痕喺度，都冇办法，佢会修复，但系好慢好慢，同埋唔会修复到好似以前未整咁样，因为佢系椎间盘有个圈，个圈裂咗，入面嘅啫喱唧咗出嚟。”她更需要用行山杖辅助走路，问到以后会动作戏会否受影响，家怡指需要戴腰封，但尽量不要太大移动，因为现时仍有麻痺：“而家好似风湿咁，因为呢几日前𠮶几日落雨落得好犀利，我就真系feel到好痹。”

青云未闻《风林火山》煞停发行　加长版交由导演决定：我OK

此外，近日有消息指青云有份主演的《风林火山》原定今年推出影音产品及在NowTV爆谷台上架，不过突然急煞停，一直负责《风林火山》发行工作的寰宇数码娱乐有限公司，发公告指《风林火山》版权公司已同意取消该影片发行协议书，青云表示未有留意：“你讲我先知，哈哈。”有传是导演麦浚龙有意再剪加场版於戏院上画，青云说：“我真系唔知㖞，不如你话俾我听，如果你收到消息。（记者：你自己想唔想要加长版？）我冇所谓㗎，呢个系导演嘅决定，我OK。”