《夜王》导演吴炜伦及编剧何妙祺，今日（18/7）出《夜王》相集新书签名会，两位多年来以读者身份入场，今届可以作者身份参与，尤其兴奋。

签名会一早便有读者排队，排头位的Fiona来自河南郑州，17岁的她未有机会入场睇导演版，所以对剧本集特别有兴趣。导演吴炜伦对读书的热情深感高兴：“之前听闻书展愈来愈少人，但今日睇都相当多人，好热闹。”

吴炜伦讲到今次剧本集销售，起初先在百老汇戏院卖，但好快已卖晒要补货，后来又成为书店的销量冠军。“好开心原来仲有咁多人钟意睇字。”编剧何妙祺都奇怪香港人咁钟意睇剧本集：“因为剧本唔系畀一般读者睇，如果有兴趣学做编剧，将来出埋DVD，大家可以拎住剧本睇住DVD，学到原来一场戏系咁拍出嚟，一场戏系咁写。”

至于剧照集，今次是由《夜王》入面饰演BB的Hazel林熙彤负责排版设计。两位都对书中的排版好满意。何妙祺：“排版好有心思，我系睇完个排版令我有想法配咩文字。”

Hazel的技能，原来是拍完《夜王》后，由导演吴炜伦发现。“佢当时开咗个小型相展，现场又见到几本书，都系佢自己搞，其中一本系大学毕业功课，讲九龙城，由访问、相、文字到排版都一手一脚搞，我话呢本书系直头可以拎去出版，所以到决定做《夜王》相集就谂起佢。”谈回电影合作，两位连同陈庆嘉，今次合作得非常愉快，并透露好快会再有合作，大家密切留意。