由郑保瑞执导的《九龙城寨之围城》自去年上映以来，在全球掀起了一股港产片热潮，而早前更宣布开拍前传《九龙城寨之龙头》及续集《九龙城寨之终章》。近月《九龙城寨之终章》正如火如荼的拍摄中，剧组早在5月时已经尖东取景，当时吸引到不少途人到场打卡。近日更移师到油麻地庙街开工，亦吸引到不少途人停低打卡，另一边厢，有网民发现剧组在元朗搭建了一个非常真实的“城寨”实景。

电影公司在社交平台发声：

不少网民对美术组精湛的技艺赞不绝口，有人甚至表示要前去这个场景朝圣打卡，不过就引起了电影公司的关注。昨日（19日）电影公司在社交平台发文呼吁大家保持克制：“俾个静静嘅空间我哋，等《九龙城寨之终章》可以顺利诞生！各位亲爱嘅寨民同朋友，先大声同大家讲句：多谢晒一直以来对《城寨》嘅热爱同支持！最近，我哋发现网上流传紧片场嘅具体地址，结果好多朋友仔嚟咗探班、打卡，虽然知道大家系出于热情，但其实咁样我哋会比较难控制人流同拍摄进度……”

电影公司全文如下：

📣 俾个静静嘅空间我哋，等《九龙城寨之终章》可以顺利诞生！

各位亲爱嘅寨民同朋友，先大声同大家讲句：多谢晒一直以来对《城寨》嘅热爱同支持！❤️

最近，我哋发现网上流传紧片场嘅具体地址，结果好多朋友仔嚟咗探班、打卡，虽然知道大家系出于热情，但其实咁样我哋会比较难控制人流同拍摄进度……🙈

为咗大家嘅安全同埋等剧组可以专心工作，有几件心底话想同大家分享一下：

保持神秘感 🤫：拍摄现场系保密地方，请原谅我哋暂时“谢绝探班、影相或录影”。俾少少空间台前幕后，大家先可以全神贯注工作！

安全第一 ⚠️：片场入面有好多大型灯光、重型器材同布满电线，真系唔系讲笑。非工作人员入到去，一个唔小心整亲自己或者撞到器材就唔好啦，安全最紧要！

保安叔叔会加强巡逻 👮‍♂️：最近试过有朋友仔闯入片场，虽然最后大家都肯听劝告离开，但搭建进度已经被拖慢。所以，保安人员之后会严格检查出入，大家唔好令保安叔叔难做啊～

我哋知大家都好心急、好期待想见到《终章》，但对演员同幕后团队嚟讲，一个安静、专注嘅创作环境真系好重要㗎。

支持我哋，请多忍耐一阵，等到《终章》正式上映嘅时候，大家就可以完完整整睇晒成个场景啦！

再次向大家鞠躬，多谢晒大家嘅理解、配合、同满满嘅体谅！包容万岁！💪✨