刘青云昨日（30）为邱礼涛执导电影《复仇的人》开工并举行开镜拜神仪式，电影在学校取景，青云庆幸当日下大雨仍无阻拍摄，又指早前台风红霞袭港都冇影响进度，加上导演指示清晰、演员又做足功课，所以拍摄顺利。

赞新演员专业投入 用真情绪演戏

今次戏中有多位新演员，包括邓涛、邱彦筒（Marf）、林熙彤、范麒智、以及第一次拍戏的李晞彤（Carina）、张鈊贻（VALC）、曾傲棐、黄明德等，他指感觉很开心：“我觉得好开心，我又唔觉得佢哋好新，因为我觉得佢哋好专业，同埋好投入自己工作，同埋我觉得佢哋演得几好睇。佢好睇嘅地方系，佢哋每一个都系用自己真嘅情绪去演，唔系话诈谛，假，真系用自己嘅眼泪去演戏，我好enjoy睇到佢哋做戏，都好enjoy同佢哋合作。”他更赞年轻新演员，演喊戏比自己还厉害。当问到一众后辈有否借机向他偷师，青云说：“我都冇咩俾人偷得到，尽量大家互相配合。”

点名赞邓涛表现亮眼、Marf有胆识

问到有哪位演员表现令他最惊喜，他先点名赞跟他有大量对手戏的金像奖“最佳新演员”邓涛：“我觉得佢好适合做呢个角色，同埋佢好清楚自己做紧乜，好专注，喺现场系100%喺度工作，绝对冇咩不必要嘅嘢，好犀利，导演拣得好啱。”之后他又赞Marf：“Marf又系好犀利，佢系一个好强表演欲嘅人，而且佢系一个好有胆识嘅人，有几有胆识，睇依套戏就知！（记者：系咪啲动作场面？）唔止，佢真系好有胆识，有场戏大家睇吓就知，佢做到嘅嘢唔系个个男仔做得到。有场戏要好有胆量先做得好，而且佢仲要做得好好。”青云又指不觉得新演员对住自己会怕丑，自己很希望新人有多些机会：“希望有多啲机会俾佢哋尝试多啲唔同嘅角色，多啲演戏嘅经验，因为一班咁优秀嘅演员，我觉得多啲机会就会好，希望多啲合作。”

与蔡少芬多年后再合作 回应搭港铁被偷拍对镜头举V

讲到与蔡少芬（Ada）合作，他很开心相隔多年再与对方碰面，赞对方像吃了防腐剂，自己则受岁月摧残。谈及早前有网民搭港铁偶遇刘青云，对方原本想偷偷与戴住口罩的青云自拍，但青云太有镜头触觉，一眼就望到，之后更对镜头举V，青云坦言很少搭地铁，但有时过海确实是搭地铁最快，至于为何对镜头举V，他笑说：“影幅相，佢又开心，我就‘嗱！我睇到你㗎！’”青云指平时原来就算戴住口罩，单凭眼睛、步姿都被途人认出，“啲人一见到就‘刘生！’我话‘唉，点解你认得我㗎？’”至于如何看待被偷拍一事，青云说：“冇办法，有时真系唔知佢影，佢偷影之后会放上网，都会。有时你诈诈谛谛出街俾人影吓啦，太耐冇出镜，哈哈！”