周星驰执导的《功夫女足》，内地票房大收22亿人民币，昨日（13/8）正式在香港开画，大家都期待星爷神话再现。电影继续以内地演员为主，但香港代表都有首次合作的张继聪及蔡思贝，二人怀住兴奋心情跟星爷见面，觉得是达成人生其中一个目标。至于合作过程，张继聪见证到星爷是个“最听人讲嘢”嘅导演，而蔡思贝就得到星爷喜剧之道，愈认真演愈好笑。

张继聪与蔡思贝都是首次跟星爷合作，而蔡思贝更加是以自荐方式，在星爷IG上留言而取得合作机会。蔡思贝︰“第一次互动系新年佢问大家有咩心愿，我就写低︰‘想做你条𡃁’然后佢就覆答应你，有咩报答我？”随后到星爷写挥春，她又去留言，结果又中，获赠一张“心想事成”。该挥春一直放在盒中珍而重之，而最微妙是确令思贝心想事成。“我睇番好几年前一个访问，记者问我最想同边位合作，我已经讲系星爷，做茶水好、打杂都得，总之好想合作，估唔到最后成真，仲要系担当一个有故事的角色。”

张继聪试过面试星爷旧作但失败

至于张继聪，原来早在读演艺时已经上过去星辉面试，更与星爷有一面之缘。“上去面试时，根本唔知系试边套，纯粹听师姐话叫我去就去。”有趣是过程并非要张继聪，而系影一张相。“只系影张相，但呢张相都影咗好耐，要见到几多膊头、咩姿势，样样都好有要求。最记得走嘅时候落楼梯，转角时就撞到周生，佢著住件背心。”

那次面试当然冇成事，但事隔多年反获得偶像的呼召，邀约见面洽谈合作。“那次见到倾了一个下午，拍摄前又食过一、两次饭，当中有倾电影嘢，佢真系会讲做戏，会讲作为导演如何处理一个镜头，有咩谂法，好多分享。”至于可有问星爷点解赏识自己？“冇问啦，仲敢问长问短咩？”

真球证驻场　星爷细心聆听球例

在《功夫女足》中，张继聪是饰演球证，原本戏份不算多，但星爷就相当满意其表现，甚至加戏。“初初话拍一日，后来话如果得闲可唔可以嚟多日？我梗系话好。”阿聪也有打算做导演，而能够在现场看星爷执导，也是一件乐事。“如果你有兴趣做导演，你就知周生有几劲，一个镜头点摆位、点样呈现，镜头运用好简洁。”

而最令阿聪难忘是星爷在片场的耐性，事源拍摄现场会有一、两位真正的裁判驻场，虽则这是部喜剧，剧情可以夸张，但星爷要求的是在合乎球例及逻辑下的夸张。张继聪︰“现场有真正裁判，睇实大家嘅动作和裁决，逻辑上有冇出错，最深印象是有位裁判对一个画面，讲出好详尽的睇法，近乎一些裁判先要知嘅嘢佢都讲埋，我一路听都觉得好耐，但周生完全冇停佢，一路由佢讲自己一路听，直至听到有个位几好笑，佢就用咗。呢样令我有所体会，好多导演喺现场赶时间，一听到唔关事就叫佢停，但周生真系会听晒为止，佢先系最听人讲嘢嘅导演。”

蔡思贝首见星爷冇紧张︰似见老朋友

蔡思贝在戏中角色叫“孖八”，是位失明人士，但功夫了得。可以透露一下，思贝在戏中可谓搞笑担当，有不少爆笑情节都由她的“冇眼睇”而发生，但要思贝忆述拍摄过程，她就表示其实所有戏份都是严肃认真去演。“我在片场差不多冇笑过，愈认真去做，先有出来反差的搞笑，如果你觉得自己正在搞笑紧，觉得件事好荒谬，出来就唔系呢种效果。”戏中蔡思贝要不停打球队的班主，每次都要保证内心一团怒火去教训他。“要做到‘我要打杀你！’那种狠，其实系令我谷住谷住有好多怒火，真系内伤咗几日，要几日先恢复到。”

回想首次见面，旁人以为必会紧张和恐惧，但在蔡思贝身上统统找不到，有的只是一份老朋友感觉。“第一次去佢公司都冇惊，反而好有亲切感，好似见老朋友咁，因为真系由细睇到大，大家都倾足一个下午。我有将自己嘅睇法讲出来，星爷认唔认同我冇得控制，但我相信问得呢啲问题嘅人，都唔会想听到啱听嘅答案，系想听到意想不到的意见，所以只要将自己最真实的感受讲出嚟就可以。”

电影经典对白　见面时“吴广德”？

身为香港人，定必会有几句星爷对白旁身，但有机会跟当事人见面时，两位会多年来所睇所学汹群而出，还是不敢献技要忍口？张继聪︰“我唔会㖞，唔会讲啦！唔通食食下饭突然话︰‘星呀星！接力咁呀？’梗系唔会啦！唔会㖞！”张继聪连番的“我唔会”，澄清自己绝对唔会咁做︰“因为我都唔钟意同人食饭，啲人系咁讲番我讲过嘅对白。有时喺街，啲街坊好Ｎice咁讲出嚟，我都觉得有啲尴尬，你知我都拍好多黐线嘢，人哋同我讲番都会尴尬。”而蔡思贝，未有机会跟星爷食饭闲谈，所以冇机会测试，但都觉得自己未必会讲。

最爱星爷导演作《长江７号》《新喜剧之王》

要两位拣哪一部星爷作品翻看次数最多，两位都一时答不上，但要讲最爱星爷的执导作，张继聪就拣了《长江７号》。“个仔细个睇时喊晒，到个女睇又喊，而我就几时睇都会喊，呢部系周星驰暂时最后一部幕前演出的电影，由地区限定，或只限某一种年纪观看的作品，到当时冇晒呢啲框框，拍得好精准，徐娇当时咁细个，都可以演到咁，笑同喊都控制得好好。所以成日话佢喺片场发脾气，其实系佢个标准已经订得好高，佢冇可能每次都同你解释点解咁拍。”

蔡思贝就拣选了《新喜剧之王》︰“部戏正正系讲演艺呢个行业，真系秒秒入肉，我睇亲都喊到哮喘咁，将演员的心路历程，连家人点样睇，互相嘅关系都表达出嚟，好充足。”