《香港01》昨晚（3日）举行十周年庆祝酒会，伍允龙出席酒会接受访问时，谈到未来十年的目标，他直言庆幸有不少目标都慢慢达成：“其实好感谢主，好多目标都一步一步去达到。我以前就想做一个有成就嘅演员，咁依家有少少成就。想做一个有成就嘅动作电影、动作指导，都有少少成就。咁我最大依家嘅目标就系自己做制作，前两年都自己开一部戏，依家就等上映，希望喺𠮶方面可以继续发展。”

至于提到电影《我阿爹想旅行》的剧照流出，惊现伍允龙扮演僵尸引起网民热议，伍允龙笑言电影细节未能提及太多，不过就表示拍摄这部电影非常开心：“同好多朋友一齐合作，导演Norris（黄绮琳）都系拍开啲文戏、艺术片，我有拍开动作片嘅，咁点样认识呢，就系有一年我哋去电影节倾咗好多偈，我发觉无论拍乜嘢电影、乜嘢类型嘅电影都好，大家都好热爱电影，都有共同嘅方向，我同佢讲笑‘有冇文戏揾我呀？’𠮶时真系倾开一个project，咁就揾咗我，去到现场见到好多旧朋友，好开心！”另外，伍允龙透露已经拍摄了两、三部电影，而自己执导的动作电影《无名火》都正在筹备上映，希望观众能够多多支持。