MIRROR其中10位成员今日出席团综《MIRROR ACE》记者会，江𤒹生（AK）除了就日前受访态度不当致歉外，亦分享凭电影《我们不是什么》入围金马奖最佳男配角的喜悦，他举高拳头说：“多谢多谢多谢多谢多谢多谢！”并透露得悉入围一刻的情况。

经理人爆喊通知喜讯　即时致电母亲报喜

AK忆述当日正在录音，突然收到经理人电话：“我经理人喊先，佢喊住打过嚟，讲到一嚿嚿，然之后我话我听唔到，你讲咩，跟住我先至load到系咩意思，我原地都load咗几分钟先有反应，真系冇谂过可以有机会提名呢件事，而且系我知道自己好新呀喺呢一个范畴上，所以好感恩，真系好感恩，多谢评审嘅肯定！我当时即刻问经理人，系咪再三confirm咗呢件事，佢话系，我话你等等，我要打俾我阿妈，跟住就打俾妈妈，妈妈有睇直播。我打去嘅时候，佢把声已经系喊紧，好快，但佢唔够经理人快，经理人真系好快。我都听唔到佢讲乜嘢，但系就大家感受当下最开心嘅moment，所以感恩，真系真心感恩！”而由于他当时都激动落泪，碰巧这一刻被陈考威（Gareth）捕捉到。

多谢邱礼涛导演赏识　感恩电影至今仍有讨论度

问到有没有留意直播中金马执委会执行长闻天祥点评他的表现，AK表示要多谢导演及团队，他表示：“特别系多谢导演，佢将一啲我睇唔到嘅特质拍咗出嚟，我自问自己真系喺技术同埋演技上系非常之新嘅初哥，所有嘢都系团队同埋导演嘅功劳，令到我一齐行到呢一步，所以系大家令到一齐可以成就到呢件事。”邱礼涛导演今次自资拍戏，能获得“最佳导演”提名，AK说整个团队都为他感到非常开心：“开头都好想呢个作品可以俾多啲人见到，慢慢由今年年头去嘅影展，到上画，而家都一路keep住可以有《我们不是什么》嘅讨论度，呢个先系大家最开心嘅事情。”

不顾公司反对仍坚持接拍　AK：相信自己内心最大直觉

AK过往曾在访问中透露，公司一开始觉得尺度太大而反对AK接拍这套戏，但他自己很喜欢剧本和角色，于是跟经理人说无论如何都要跟公司倾掂数，更表示：“我唔容许公司Say No！我好决绝、企得好硬，我一定要接！”而AK的坚持如今有回报，问到是否更觉当初企硬是正确决定，他说：“我相信自己内心最大嘅instinct（直觉），当时呢个角色我觉得真系好想接，好钟意呢个故事，又唔可以话排除万难，系各方面嘅沟通，最后可以有缘份接到呢件事，我觉得好开心！”至于是否已度定期飞去台湾参加颁奖礼，AK暂时未有定案：“𠮶时排紧演唱会，当然希望可以出席，要同公司同埋演唱会团队沟通。”