电影《拾荒法师》昨晚（6/10）举行首映礼，为隆重其事更增设红地毡环节，主角何超仪（何超），率领监制陈子聪，导演彭氏兄弟，还有陈家乐、汤怡、二蚊（Iman）张文杰及吴冰一齐亮相。何超仪在台上更宣布，再于《韩国富川奇幻影展》夺得Fantastic Icon Award，可喜可贺。

《拾荒法师》在香港上画前已走访多个地方影展，昨晚在香港举行首映，何超觉得好似终于返屋企一样。“喺屋企做首映，见番朋友好开心。”获何超力捧的新人Iman，都用广东话讲句︰ “好开心吖”亦多谢大家来支持自己的第一部电影，“多谢香港！”

何超感触再获奖　“唔畀就等于话你冇得做，你褪开啦”

对于能够再下一城，在《韩国富川奇幻影展》得奖，何超都好大感触︰“好感谢大会再度畀一个奖我，呢个奖系特大的安慰奖，代表叫我继续努力，同你讲你仲有得做，如果唔畀就等于话你冇得做，你褪开啦，你老喇！”而电影刻意参加多个影展，都是宣传策略之一。何超︰“呢部电影上不到中国，你就要去东南亚，人哋拍好多恐怖题材都好好睇，所以获得东南亚观众喜欢，我哋好开心。”

电影未上画，何超已落实拍起续集，Iman更直接担任男主角。何超︰“佢都知自己好好彩，去到好多影展，好多新人都冇呢个机会，我唔想佢行我以前崎岖嘅路。”而去到续集，Iman更有一大考验，就系要讲全广东话对白，他亦非常努力去死背，背到今时今日都可以讲番晒︰“‘今日唔知听日事，要及时行乐呀’、‘我曾经有个女朋友，我哋仲未结婚’好多谢何超细心教导。”而演技上就找来詹瑞文指导，Iman获益良多︰“He is good 师父！”

陈子聪身体稳定开始偷食肥腻嘢

再力捧新人，何超一心想助他发展顺利，不走冤枉路，正如当年劝陈子聪一样。“佢（陈子聪）真系未衰过，最堕落时被我救了。当时同佢唔系太熟，但作为朋友，个个星期都见佢上周刊封面，就打畀佢，提醒佢你上紧位，唔好再系咁。”问到丈夫陈子聪身体状况，何超透露几好，可以随团做宣传，但亦开始松懈。“成日饮咖啡，偷食肥腻嘢，医生都叫佢应该要珍重自己多啲。”