电影《拾荒法师》昨晚（06/10）举行首映礼，电影由何超仪主演，陈子聪监制，陈家乐、汤怡、Iman主演，亦是导演彭顺及彭发，⾃13年前电影《逃出⽣天》（2013）后，再次以“彭⽒兄弟”这个品牌合导的作品。被问到有何契机令两兄弟再次联合导演，彭发说︰“我哋接受访问咁多年，就算系两兄弟各自做，记者到最后条问题都是问︰‘我哋几时再走埋一齐合导？’其实都系一直等一个题材，今次就遇到。”

彭顺笑指何超仪是演员中的“极品”

有记者问到两兄弟分开发展多时，再合作会否出现争拗？彭顺︰“呢个问题廿年前已经有人咁问，点解会觉得我哋有咁多拗撬呢？冇拗撬嘅，都一把年纪有咩都放低啦！台前幕后合作都好和谐。”

何超仪出名要求高，今次既是投资又有份参演，又点睇这位演员？彭顺︰“喺我导演生涯入面，拍过嘅演员嚟讲，呢个都系极品。揣摩唔到呀，佢嘅发挥能力，到合作完都未发挥得晒，个演员爆炸力好大，本身的创作力都高，系好事嚟！导演遇到呢种演员，挑战性好大，演员碰到我哋呢啲导演，又好大满足感，好期待再合作。”

彭发一幕睇到心寒足以挑战影后

电影可以去到世界各地，走访多个影展，导演可有归纳到各地观众的意见？彭发︰“套戏好唔好睇一件事，但各地观众竟然一致，话何超仪做得好，系真心嘅。”

彭发更举例戏中她被陈家乐捉到去警局审问一幕，他执导这场戏时，单从显示屏看已经睇到心寒。“心寒意思系，我认为一个人真系要有精神分裂同多重人格，先会有呢种表现出嚟。佢可以将成段对白拆散，部分同自己讲，部分同家乐讲，仲畀我发现有部分，系同身后只怨魂讲，呢个系好高层次。我都大胆推测，如果有朝一日佢有机会角逐影后，我相信呢幕戏系令评委加咗佢好多分，我自己都惊讶。”

怀疑何超仪精神分裂？　“讲完啲嘢，转头又可能唔同咗”

至於戏外可有见识到何超仪精神分裂的力量？彭顺︰“佢有时讲完啲嘢，转头又可能唔同咗，你变咗要怀疑自己先，系咪自己幻听。（记︰要揾监制出马？）监制（陈子聪）又系佢自己嘛最劲系。”彭发︰“就系有种精神同人格分裂，所以拍呢套戏系刺激。”

做导演能够遇到这种演员，彭氏兄弟可会觉得对何超仪又爱又恨？彭顺︰“两样都冇其实，冇爱又冇恨，我哋系佩服，系敬佩。（记︰讲句爱都唔得？）唔使我哋喇，都系𠮶句，一把年纪喇我哋，唔使爱。”