刘俊谦今日（09/10）出席品牌活动，与陈卓贤（Ian）、麦浚龙（Juno）、袁澧林（Angela）及云浩影（Cloud）同场。早前《九龙城寨之终章》举行煞科宴，有多位新加盟的女演员曝光，包括邵美琪、王丹妮、谈善言、谭旻萱等，被问到与哪一位有较多对手戏，他都三缄其口︰“我唔讲得呀，一讲就剧透，唔好逼我啦！”但刘俊谦都承认多了女演员在场，拍摄气氛都有所不同。

大增女角色平衡刚阳味︰“会吸引更多观众”

刘俊谦表示一套戏想完整一点，应该要有男有女，而今次《终章》正做到这方向︰“之前阳刚味较重，今次多啲女演员调节番，可能会吸引更多观众。”问到跟哪位新加盟的演员合作最兴奋，阿谦都系首选吴彦祖。“我嘅至爱冇得讲。”

至于“城寨四子”的重遇，刘俊谦都觉得感受完全不同。“经历完第一次辛苦拍摄，创下好好的成绩，四子的感情都会深厚咗。今次打斗都不比上次少，难度亦高咗。”难度增加，难免会有受伤，阿谦就有触及旧患︰“只要打斗场面激烈啲，时间一长，条腰就会唔舒服，个个年纪都唔轻。不过German整伤手指就有啲严重，希望佢早日康复。”

German变泪腺担当　为胡子彤再战亚运感骄傲

四子在另一场煞科宴上抱头痛哭，刘俊谦就大爆导火线是German。“通常喊都系German，佢感情好丰富，我哋就好似妈妈一样安抚佢，其实四个都感性，但我哋眼泪会在心里流。”对于四子之一胡子彤再战亚运，阿谦都有留意到︰“作为运动员佢年纪唔细，但都想去燃烧一次，现场都好多人支持，亦赢到一啲比赛，我为佢，为香港运动而感到骄傲。”

太太蔡思韵失金马提名　“终有一日会拎到”

刘俊谦早前未能出席剧组的大合照煞科宴，是因为刚与太太蔡思韵远赴欧洲补度蜜月。早前红姐惠英红在巴黎遇劫，阿谦今次在欧洲之旅可会小心点？“我都有小心同有心理准备，啲财物都摄得好好。而且同太太都去大自然地方多，行装好轻便，不会带太多贵重嘢。”不过阿谦就分享最好的预防方法，就是令自己的举动似当地人。“唔好令自己太似旅客，当自己系本地人，成个人的状态自然啲，因为去旅行会有好奇心，不妨望得自然啲，唔好太兴奋。”

另外，太太蔡思韵成金马遗珠，未能凭《泥娃娃》入围最佳女主角，刘俊谦都有替她不值︰“我有睇《泥娃娃》，佢系做得好好，票房又在台湾过亿（约2,500万港元），每年冇几多套做到，不过我相信终有一日佢会拎到。”