由刘德华投资及监制，邱礼涛执导，改编自舞台剧《关于那只龟回魂的故事》的2027年贺岁片《关于那只乌龟的故事》今日（14/10）举行开镜，舞台剧原班人马阮小仪、杨乐文（Lokman@Mirror）、梁仲恒、王耀祖、阮韵珊、倪秉郎、胡丽英齐齐亮相，新添成员金大龟“小陆”更由刘德华亲自带领出场；华仔笑指小陆是全片身价最高的一位，更即场与牠进行幽默“专访”，不过小陆一直挂住食。

刘德华睇到一半已经想拍成电影版

舞台剧《关于那只龟回魂的故事》在今年5月公演，当时刘德华以观众身份获邀出席欣赏，殊不知看到一半已觉得故事不得了，要改编成电影。“起初去睇系纯粹去支持呢班朋友，冇谂过个剧本咁好，睇到一半已经觉得唔能够等喇，戏可以慢，行动一定要快，完咗冇耐就问佢哋愿唔愿意畀我哋改编，拍成电影版。”

问到编剧阮韵珊最初得知刘德华对自己的剧本有兴趣，有何反应？“唔敢相信，系咪有人扮刘德华搞诈骗呀，直至上到佢Office见到真人先敢肯定系真。”而演员王耀祖最初也以为刘生吹水︰“以为礼貌上系咁讲，我仲问佢‘咁揾边个演员呀？’刘生答咪就你哋啰，佢第一次开会仲已经谂好晒套戏点拍，我觉得太梦幻太唔真实，到今日开镜先认定系真。”

邱礼涛开心再同华仔合作︰难得唔系揾我拍打打杀杀

问到刘德华可会客串演出？“我演出咁只龟就唔系片酬最高㖞，（可以唔收片酬？）我要畀又唔收呀？”最终半推半就下都应承有可能客串︰“逐个都有对手戏，最紧要同最贵片酬只乌龟有对手戏。”身为老板，更表示这套戏冇成本上限，任导演邱礼涛去拍！邱礼涛便笑指︰“话咗你知我大使啦，难得华仔唔系揾我拍打打杀杀，梗系拍啦！”

电影以阮小仪任女主角，自己首次担正可有票房压力？“我唔系主角，挂名系女主角啦，套剧系群戏，7位同埋乌龟戏份都好平均分配，每个都系男主角女主角。另外，问到在剧中饰演同志情侣的梁仲恒与王耀祖，在电影版会否有更大胆的亲热演出时，刘德华立即抢答︰“系唔会嘅，私底下可能会，镜头前就唔会有，我守旧啲啦！”由于舞台剧用了张栢芝一首歌作串连，而公演期间亦不时广邀栢芝前来欣赏，问到电影版可会再尝试邀请她客串？导演邱礼涛就表示要保持神秘感。小仪︰“或者用返舞台剧方法，我哋开住工不停Tag佢，睇佢有冇兴趣一齐嚟玩。”