电影《第四幕》由尔冬升监制、王德健导演，冯德伦（Stephen）、胡杏儿、周秀娜、杨伟伦（阿卵）主演，今日（17/10）回到主要取景地香港演艺学院，进行慈善首映。早前在另一个活动上，未有获金马奖提名的冯德伦，已向凭《善男信女》成为准金马奖影帝的杨伟伦，大发“酸”言，场面搞笑。今日《第四幕》慈善首映，二人再遇，Stephen一样“老冯”上身单单打打，加上身边的监制尔冬升的助攻，令阿卵成为攻击对象，难以还击。

尔冬升支持年轻人受霸凌要出声　曾有男演员投诉被男导演性骚扰

杨伟伦新发型迎战金马？　尔冬升笑冯德伦︰你唔使剪啦！

今日阿卵以新发型示人，问到是否有新戏开的新造型？杨伟伦︰“唔关事，之前头发好长好局，所以去剪发。”记者追问是否为11月举行的金马奖做准备？阿卵立即澄清︰“唔关事呀！唔关事！真系好厚要剪下。”正当阿卵手忙脚乱之际，尔冬升在旁加把火，指住冯德伦︰“喂！你唔使剪啦！悭番唔使剪住啦！”

阿卵再三澄清，只是惊头发太长太厚不好看。这个时候冯德伦都出招︰“你惊到时遮咗个奖？只马遮咗唔系咁好啦！”引起全场大笑。当问到阿卵开始揾金马战衣未？尔冬升又抢住发言︰“今日Stephen就系著嚟畀佢睇一睇，或跟导演嘅小企领，唔留须嘅我呢种都得。”

拍《老冯日记》帮电影宣传　问定阿卵拎联络︰攞咗奖就唔会畀我

冯德伦推荐要跟尔冬升大导演，始终拎过不少次金马。冷不防尔冬升自爆︰“我冇攞过呀，我提名好多次从来冇攞过呀！佢拎咗之后我对佢态度都要转变，要叫前辈。”冯德伦立即对杨伟伦讲︰“咁唔好跟佢，亦都唔好跟我。”

话题一转，讲到冯德伦会在《第四幕》上映时，拍《老冯日记》帮手做宣传，亦不讳言正在度故仔，然后一瞬间又再次将话题带到阿卵身上︰“我头先就系想同阿卵交换电话，我觉得佢好啱拍，因为佢攞咗奖之后可能就唔会畀我，所以今日见到就即刻问。”随后阿卵表示要即刻畀，不敢怠慢。