电影《第四幕》由尔冬升监制、王德健导演，冯德伦（Stephen）、胡杏儿、周秀娜、杨伟伦（阿卵）主演，今日（17/10）回到主要取景地香港演艺学院，进行慈善首映。原来近日，胡杏儿都成为了演艺学生，修读硕士课程，逢一、三、五都要返学，对这个地方非常亲切。

胡杏儿重投校园　“在小朋友面前都有个交代”

电影《第四幕》与香港演艺学院合作，不单在校园取景，当中多个拍摄岗位都有学生参与，真正做到薪火相传。而断想不到，原来戏中一位演员都是“演艺学生”。胡杏儿今年报读了香港演艺学院中，由电影电视学院提供的电影制作艺术硕士课程（Master of Fine Arts in Cinema Production），重新做学生。胡杏儿︰“好亲切，一楼同三楼都系我返学嘅地方，逢一、三、五都返嚟，大家都唔好恭喜我住，因为我读part-time，要读3年，希望可以完成。”

第一日返学，同学见到胡杏儿出现，可会觉得是拍节目还是做客席讲师？“第一日同学仔见到都好惊讶，我大佢哋廿年，个个都话睇我嘅剧长大。我都唔觉得自己大佢哋廿年，仲觉得自己好年轻，而且有咩问题，都可以请教呢班同学仔。”毅然报读硕士课程，事缘当年大学未毕业便入行发展，现在希望尝试下。“在小朋友面前都有个交代，我都有个学位喇，你哋都要加油。”

周秀娜赞袁澧林勇敢　“呢个系尊重嘅问题”

就同片演员袁澧林早前在社交平台发出的长文，自爆在受访及拍摄期间受到言语冒犯，问到自发文后，两位可有关心对方？胡杏儿︰“我都有发个Emoji畀佢，拍戏时我哋成日都倾偈，佢系个可爱女仔，我都同佢好啱倾，觉得佢好勇敢。”

周秀娜︰“我哋3个一齐会讲唔停，但拍完就好少再见面。佢系好勇敢，好有自己谂法。我都有睇佢篇文，呢个系尊重嘅问题，牵涉很多范畴。其实男同女都会遇到，我做Ｍodel时都遇过，但要我逐一讲出就讲唔番，当时未有时候去处理。”周秀娜就表示影圈风气比较好，所遇到的都是专业的。“大家都好专业，都好尊重我哋，合作的对手都系好好。”