男团MIRROR成员邱士缙（Stanley），早前与拍拖9年的女友李炘颐（Alina）拉埋天窗，并于印尼峇里岛完成浪漫婚礼。今日（28/10）Stanley出席《我阿爹想旅行》坐千望亿庆功宴，谈到婚礼有不少难忘回忆，自己都喊好多次。

谈到“鲁金花”（鲁庭晖、金广诚、花姐黄惠君）难得重聚，Stanley都非常感动，特别是鲁生因工作经常飞，都冇预到他可以出席。“佢系我入行到而家呢刻，都系好重要好重要嘅人，之前畀太多机会我，即使而家唔同公司，都好希望佢会出席，所以我一知道要搞就第一时间揾佢。”至于鲁生激瘦，Stanley都不感意外，因为一直都有联络：“我睇住佢慢慢瘦，知佢每日都做运动。”

最后MIRROR差5位兄弟未有出席，会否感到遗憾？“佢哋一早都有同我讲，我当时每一位都有邀请，佢哋都有同我讲要做嘢，呢个当然明白，但每位都有送上祝福和礼物，好似Ian都要开骚，要做嘢都冇办法。”

至于有网民指出AK前后几天都有去睇骚，似是正在放假。“咁其实AK下昼要做嘢佢冇讲，总之唔系外界所谂，大家都有良好嘅沟通，唔系我唔钟意佢所以唔请佢，只能讲好无奈，大家只会想听自己想听嘅嘢，我解释完都冇用，系咪真事我哋12个人会知。最后我只能讲句，大家都系好真诚咁送上祝福。”