郑伊健今日（10/11）出席又一城的《Pokémon's 30 YEARS OF JOY AT FESTIVAL WALK》活动，向来是电玩及动漫迷的他，都玩足Pokémon的衍生电玩近30年，当中充满不少回忆。而早前太太蒙嘉慧在宣传《我阿爹想旅行》时，将“被人撩”口快快疑似读成粗口，伊健都有听到，觉得是误会，但造就一个好成功的宣传，“如果唔系大家唔会记得呢件事。”他更指自己一直有指正太太的发音︰“佢同我一齐之后发音都正确咗好多。”

在家中被老婆收服？　“女人系细心啲”

作为Pokémon的粉丝，伊健都有玩《Pokémon Go》，更爆料在拍摄《久别重逢》时，去到日本四国人烟稀少的地方，会收服到不少新品种。至于返到屋企，到底是伊健收服老婆，还是被老婆收服呢？“要睇事件，工作上，我假假地都系前辈，都会讲畀佢听点样点样会好啲，其他嘢就由佢处理。因为佢系一个视野好阔嘅人，照顾晒所有家人，男人比较粗心大意，女人系细心啲。”

蒙嘉慧爆粗疑云　郑伊健︰“好成功吖呢个宣传”

最近太太都正忙于宣传复出之作《我阿爹想旅行》，但原来伊健一直未入场欣赏。“就快睇，通常都系咁，我啲戏佢都拖好耐先睇，到适当嘅时候先去睇。听闻身边啲人都喊得好劲。”但太太早前在宣传时疑似“爆粗”，伊健就大赞︰“好成功吖呢个宣传，如果唔系大家唔会记得呢件事。佢同我一齐之后发音都正确咗好多，因为佢以前咬字冇咁好，而家进步好多。”

此外，张家辉在接受传媒访问时，说要唱伊健的歌呼召他出来帮手谢票，结果唱错陈小春的《战无不胜》，伊健都有留意︰“做足功课先啦！都冇乜嘢嘅，都系自己人。”对于张家辉来年农历年间会开演唱会，可会获邀做嘉宾？“唔会呀，我有嘢做唔喺香港，但都值得支持。今年好多歌手或者不是歌手都开演唱会，在娱乐圈有机会都争取到做自己想做的事都开心。”那么几时到自己在香港开骚？“暂时未谂到，我争取时间休息。”