专访｜当粤剧遇上剧场 《牡丹亭惊梦》如何吸纳年轻观众？｜何故
“而家呢个世界有咁多好嘅嘢，其实系要大家一齐crossover，将全部最好嘅嘢，混合喺同一个演出上，就会将我哋嘅传统再提升。”
香港粤剧艺术团致力存续并提升经典粤剧剧本，制作具专业水平的粤剧作品，发掘和培育具潜质的新秀，从而传承粤剧艺术文化，该团将于今年10月3日至5日，假西九文化区戏曲中心大剧院，公演已故著名编剧家唐涤生编撰的粤剧经典《牡丹亭惊梦》，为此相约此剧的艺术总监龙贯天（旭哥）、音乐总监王胜泉（泉哥）、制作总监李浩贤（Lawrence）、以及负责舞台设计的王梓骏（Isaac），一同探讨香港粤剧文化的传承和演化。
文：何故｜原题：《牡丹亭惊梦》结合传统戏曲和现代剧场，传承香港粤剧文化──专访龙贯天、王胜泉、李浩贤、王梓骏。
《牡丹亭惊梦》是香港著名粤剧剧作家唐涤生的粤剧剧本，改编自明朝戏曲大作家汤显祖所著的传奇《牡丹亭》（又名“还魂记”）。此剧是仙凤鸣剧团的第二届剧目，于1956年11月19日在利舞台首演，由任剑辉和白雪仙主演。
《牡丹亭惊梦》讲述宋朝太守杜宝之女杜丽娘在牡丹亭内睡著，梦见一名手持柳枝的书生，二人一见钟情，当丽娘醒来后，因为过度思念书生抑郁而死，却在三年人鬼重逢……这不只是一个生死不渝的爱情故事，更体现了中华传统文化的多元性，共且充满娱乐性。
粤艺团再度和剧场界资深制作总监李浩贤团队合作，以现代剧场的概念和技术呈现传统戏曲美学。获奖设计师王梓骏透过提取剧作的意象，设计出体现虚拟美学的实景，配合背景动画，为观众带来崭新的视觉享受。
我首先向旭哥请教：在香港传承到粤剧文化，结合现代的剧场的布置和概念，是否其中一个可行的方法？
“绝对可以！因为粤剧嘅文化有很多个款式，譬如我哋粤剧文化就系锣鼓出晒名，全个戏曲界以我哋嘅锣鼓系最热闹，呢个就系其中一个传承啦！加埋佢哋舞台上嘅设计，完全将我哋嘅粤剧呢再提高咗！我觉得现代化嘅嘢加埋我哋传统嘅嘢，系会有个新嘅意识，令到我哋嘅演员都会有新嘅思维，同埋佢哋嘅学习，亦都令到观众有新嘅睇法，其实系好事嚟㗎，咁即系提升咗我哋嘅传统。”
泉哥更详细解释：“粤剧本身嚟讲就系岭南文化，香港发展得系最好嘅，所以由香港嘅传承呢件事系最啱嘅。所以，而家我哋香港嘅演出法，其实保留返好多粤剧嘅最传统嘅演出法，例如，我哋而家做嘅粤剧，一般嚟讲，系让观众‘有代入感’，唔系纯粹程式咁简单。…要有呢个效果，你本身一定要做到画面靓、音乐靓，观众先至会接受，所以而家我哋就加一啲新元素，举个例，我哋而家就要喺舞台设计做靓佢，但系呢个舞台设计又唔能够阻碍演员演戏㖞！如果唔系，我哋嘅传统演出法，又会畀佢影响咗。两者结合，咁样传落去，就会容易啲。”
泉哥再补充：“我哋有一场戏讲个文武生同花旦发梦相会，相会完之后，花神就走出嚟，撮合佢哋两个，传统嚟讲花神只有一个，我哋今次结合咗少少昆剧嘅做法，花神系一班人，我哋今次加咗呢个元素。”为什么要加入昆剧的元素？“粤剧本身有种‘吸融力量’，佢将人哋嘅嘢集合畀自己用，改良后变成自己嘅嘢，其实而家好多粤剧嘅嘢，以前唔系粤剧嘅，都入咗我哋𠮶度，英文歌都有，London Bridge Falling Down（泉哥随即哼出旋律），但系唔系唱英文㖞！攞咗个melody咋㖞！然后用粤语唱，就可以吸引更多人（观众），所以我哋好多时候见到人哋好嘅嘢，就会吸过嚟，将佢变成自己嘅好嘢，所以今次我哋觉得呢一段昆曲做得好好。”
至于并非粤剧出身的Lawrence如何看“文化传承”这个命题呢？“我哋需要更多年轻人，无论系演出，前台或后台都需要，而家有一个好好嘅传统后台运作模式，如果可以就加入多啲现代化，无论系美学上，或者运作，或者系管理上面，我觉得会更好！”
今次演出重点之一，就是舞台上的“鬼影幢幢”，问Isaac为什么会将这么多不同的元素放在舞台上，他回答：“因为故事本身吸引嘅地方，系有一场发梦，梦境嘅时候，好fantasy嘅一个感觉，好似初恋情人一样，呢一段我尝试用一个景嘅装置，令佢有更加梦幻嘅感觉，尝试将梦同真实结合。”
“传统嘅布景，通常系用布，而且系平面嘅，因为传统戏曲系以演员为主，个景纯粹系装饰性，但我觉得可以喺制作上都尝试一下，会不会将一啲故事、一啲主题性嘅嘢，都放放个景里面？譬如我哋会尝试有书卷啦！尝试吓有一个好似画嘅感觉，仲有一个想做到好似风铃咁样嘅，因为有鬼，一般鬼故喺风铃响嘅时候，个灵魂就返嚟喇！所以我哋今次个景，有风铃嘅元素，咁就会有新鲜感啰！…我哋做话剧嘅布景，通常会将故事放得重啲，尝试用布景嚟提升主题，俾观众联想到一啲嘢，喺个气氛上感受到一啲嘢，尝试用个景嚟讲故事。”
旭哥满意吗？“钟意㗎！因为我哋已经合作咗几次，大家一齐做嘢，个思维系好夹，佢哋有好多嘅思想，佢哋嘅方式，加埋我哋大家一齐做，出嚟嘅效果好开心。”
至于如何吸纳新观众，尤其是年轻观众？旭哥说“第一件要做嘅，就系要将海报做好”，“我哋已经做咗几次，观众都非常之满意。有好多年青人都觉得，乜粤剧可以咁样㗎？而家呢个世界有咁多好嘅嘢，其实系要大家一齐crossover，将全部最好嘅嘢，混合喺同一个演出上，就会将我哋嘅传统再提升。”
泉哥再补充：“今次我哋嘅表演方法，有啲系电影化嘅表演方法，喜欢睇电影嘅人，可能觉得好有趣。但系有一个好重要嘅原则，就系不要畀呢啲嘢影响到我哋原来嘅表演传统，因为𠮶种系艺术。你将佢完全抹杀晒，就变咗唔系那𠮶艺术。所以，混合得宜，其实系需要集好多人的思想。头先Lawrence讲，要改善嘅系制作同管理嘅方法，头先旭哥都提及，我们呢个制作管理方法，系集体一齐去谂嘢、一齐去沟通、研究，不停地去谂，互相尊重对方嘅expertise（专业领域），最紧要系咁样，咁出嚟件嘢就会好靓。”
泉哥继续分享经验：“有啲嘢太过新会格格不入，夹硬加落去系唔得既。但系你完全守旧，完全唔理新嘅嘢，出嚟又太保守。你要谂吓年轻人钟意睇乜嘢？我哋做咗几次之后，发觉年轻人系钟意睇呢类型，有一批观众系从冇睇过粤剧，我们已经吸纳咗一批新观众。”新旧元素的比例如何？“传统比重，差不多系七成左右。”
“有一样嘢好重要嘅，就系我哋要做到个气氛出嚟！”是次演出的重点，除了布置和灯光，泉哥强调还有音响。“上次观众嘅反应系：点解今晚嘅音响同平时嘅西九唔同嘅呢？因为我哋有一班好专业嘅人做音响！”而且，更重要是一班有实力的年轻演员，他们经过旭哥指导后，将会有更上一层楼的表现。当然，最重要是旭哥压轴登场客串皇帝，“旭哥而家唔会再做配角㗎喇！”，令人充满期待！
香港粤剧艺术团的《牡丹亭惊梦》既创新，又秉承传统，透过不同的crossover，让香港粤剧文化得以传承和演化，让属于我们的表演艺术可以走得更远。
（专栏“何故火锅馆”每星期刊出，标题由编辑撰写。本文不代表艺文格物立场。）
作者简介︱何故，内向、忧郁而文静的作家，已推出超过 20 本小说。从电影和打边炉领悟人生道理。
更多艺文评论文章，可参看作者Facebook